უკრაინაში 46 ტონა თურქული მანდარინი არ შეუშვეს

365 Views

უკრაინის საკვები პროდუქტების უვნებლობის და მომხმარებელთა დაცვის სახელმწიფო სამსახურმა, ქვეყნის ტერიტორიაზე 46 ტონამდე, ხმელთაშუა ზღვის ნაყოფის ბუზით დაავადებული, თურქული მანდარინის შეტანის მცდელობა აღკვეთა, იტყობინება აღნიშნული უწყების პრეს-სამსახური.

ოდესის ოლქში ფიტოსანიტარული კონტროლის განხორციელებისას, 15 ნოემბერს ოდესის, ხოლო 17 ნოემბერს „ჩერნომორსკის“ სავაჭრო პორტებში, თურქეთიდან შემომავალ მანდარინში (შესაბამისად 24.5ტ. და 21.3ტ.) აღმოჩენილი იქნა საშიში, საკარანტინო მავნებელი ხმელთაშუა ზღვის ნაყოფის ბუზი.

31 ოქტომბერს, უკრაინის საკვები პროდუქტების უვნებლობის და მომხმარებელთა დაცვის სახელმწიფო სამსახურმა, ამავე მიზეზით უკვე არ შეუშვა ქვეყნის ტერიტორიაზე 28.73 ტონა თურქული მანდარინი.

ხმელთაშუა ზღვის ნაყოფის ბუზი Ceratitis capitata, მიეკუთვნება განსაკუთრებით საშიშ საკარანტინო მავნებელს, რომელიც უდიდეს ზარალს აყენებს იმ ქვეყნებს, სადაც მოჰყავთ მისი მასპინძელი მცენარეები და რომლებშიც აღნიშნულ მავნებელს შეუძლია აკლიმატიზაცია.

ხმელთაშუა ზღვის ნაყოფის ბუზი, ბრძოლის ღონისძიებების გარეშე იწვევს მოსავლის დანაკარგებს (47% – ვაშლი, მსხალი და 90- 100% – ფორთოხალი, მანდარინი).

Related Articles

კარტლისი – აგროტექნოლოგიები
სამაცივრო აგრეგატები
სამაცივრე აგრეგატები
მცენარეთა დაცვის საშუალებები
მცენარეთა დაცვა
ბიოაგრო
ორგანული, ბიო, აგრო
თქვენი რეკლამა
Georgian Dairy
აგრარული საქართველო
აგროკავკასია FB