ქართული ცხვარი — თუშური, იმერული, წმინდამატყლიანი ჯიშები

1652 Views Comment Off

ისტორიული მიმოხილვა

ადამიანმა ცხვრის მოშინაურება და მისი პროდუქტების გამოყენება უხსოვარი დროიდან დაიწყო. გარეულ ცხვარს მატყლი არ ქონდა. დღეისათვის გავრცელებულ 500-მდე ჯიშიდან, მხოლოდ 43-ს არ აქვს მატყლი.

უმატყლო ცხვრისგან სელექციით მიიღეს უხეშმატყლიანი ცხვარი, დროთა განმავლობაში კი, მცირე აზიის ქვეყნებში გამოიყვანეს წმინდა და ნახევრადწმინდა მატყლიანი ცხვრის ჯიშები.

მეცხვარეობას ქართველური ტომები უძველესი დროიდან მისდევდნენ რაც დასტურდება თუნდაც მითით არგონავტების შესახებ, რომლებიც კოლხეთში ჩამოვიდნენ ოქროს საწმისის, ანუ ოქროს ცხვრის ტყავის წასაღებად.

ხალხური სელექციის მაღალ კულტურაზე მოწმობს ის ფაქტიც, რომ საქართველოში გამოყვანილია ორი აბორიგენული ჯიშის ცხვარი: თუშური და იმერული.

საქართველოში უხსოვარი დროიდან ხდებოდა ზამთრის და ზაფხულის საძოვრების გამოყენება პირუტყვის საკვებად, შესაბამისად თუშური ჯიშის ცხვარის ჩამოყალიბებას ხელი შეუწყო მომთაბარე მეურნეობების არსებობამ. ამ ჯიშს ჩამოუყალიბდა ცვალებად კლიმატთან ადვილად შეგუებადი ბუნება, სტრესის მიმართ მდგრადობა.

ძლიერი “მუხლი” დიდ მანძილზე, დაახლოებით 4 000 კმ-მდე წელიწადში, გადაადგილების შესაძლებლობას იძლევა. თუშური ცხვრის წილი შეიძლება განისაზღვროს დღევანდელი პოპულაციის 85-90 %-ით, ხოლო იმერულის წილი კი ძალიან მცირეა, დაახლოებით 10 დან 15 ათას სულამდე. ამასთან გასული საუკუნის 50-იან წლებში იყო მცდელობა შექმნილიყო სხვა ქართული ჯიშები.

თუშური ცხვარი

თუშური ცხვრის გავრცელების არეალია აღმოსავლეთ საქართველო, რომელიც ხალხური სელექციის მეთოდით იქნა მიღებული რამდენიმე ჯიშის კონსოლიდაციით.

ამ ჯიშის პოპულარობა გამოიწვია იმან, რომ მას გამომუშავებული აქვს ამტანიანობა მომთაბარე მეცხვარეობის დროს, მას სეზონზე დაახლოებით 600-700 კილომეტრი გრძელი მანძილის გავლა უწევს ზამთრის საძოვრიდან მთის იალაღებისკენ, მას “ძლიერი ფეხი” აქვს და ადვილად ეგუება გარემო პირობებს.

მისთვის საძოვრად ვარგისია როგორც ნახევრად უდაბნოს ტიპის მწირი მიწები, ისე ზაფხულობით კავკასიონის ხშირად ადამიანთათვის ძნელად მისადგომი ციცაბო მთები, რომელიც ხშირ შემთხვევაში მიუვალია ძროხისთვის და სხვა პირუტყვისთვის.

ვერძის ცოცხალი მასა საშუალოდ არის 60-80 კგ ფარგლებში, გამონაკლისი მაქსიმალური წონა დაფიქსირებული გვაქვს 106 კილოგრამი.ნერბის წონა არის 40-50 კგ-ის ფარგლებში.

ქართული ნახევრად წმინდამატყლიანი ცხიმკუდიანი ცხვარი

ადგილობრივი თუშური ნერბებისა და წმინდამატყლიანი ვერძების (რამბულიე და პრეკოსი) შეჯვარების შედეგად 1948 წელს მიღებული ჯიშია რომელის ცოცხალი მასა არის: ნერბების – 46-47 კგ, ხოლო ვერძების 65-70 კგ. ზოგიერთი ეგზემპლიარის მასა აღწევს: ნერბების 60-65 კგ, ხოლო ვერძების – 125-126 კგ

სამწუხაროდ აღნიშნული ჯიში გადაშენების პირასაა. სოფლის მეურნეობის მეცნიერებათა დოქტორის, პროფესორის, ვასილ ღლიღვაშვილის გადმოცემით, მის ფერმაში ახერხებს რამდენიმე ინდივიდის შენარჩუნებას დღემდე.

ქართული წმინდამატყლიანი ცხიმკუდიანი ცხვარი

გამოყვანილია 1954 წელს თუშური ნერბებისა და წმინდამატყლიანი ვერძების შეჯვარებით, მასში შეთავსებულია ცხიმკუდი და წმინდა მატყლი. ნერბების წონა – 52-54 კგ, ხოლო ვერძების – 76-78 კგ. სამწუხაროდ აღნიშნული ჯიშის სანაშენე ბირთვიც ფაქტიურად გამქრალია.

იმერული ცხვარი

იმერული ცხვარი IV-VI საუკუნეებში, ხალხური სელექციის გზით არის გამოყვანილი დასავლეთ საქართველოში, არის უხეშმატყლიანი, რომელიც მეცნიერთა ვარაუდით წარმოიშვა კოლხური ნაზმატყლიანის შეჯვარებით სხვა ჯიშის უხეშმატყლიან ცხვართან.

ამ ჯიშის უნიკალურობა მდგომარეობას მის გენერაციულ ფუნქციებში, მრავლდება წლის ნებისმიერ დროს, ბატკნის მოგებიდან (მშობიარობიდან) 20-25 დღეში მოდის ნერბვაზე და იენრბება, 11-14 თვის თოხლი უკვე იგებს ბატკანს. სხვა ჯიშებთან შედარებით მაკეობის პერიოდი მოკლეა, 137-143 დღე.

ერთ დადოლებაზე იგებს 2-3 ბატკანს მინიმუმ, ხოლო უფრო იშვიათად 4-5 ბატკანსაც კი. პრაქტიკაში მათი წონა არის: ვერძისა – 35-45 კგ, ხოლო ნერბისა 25-35 კგ. გამოთვლილია რომ მას წლის განმავლობაში შეუძლია მოგვცეს 40 კილოგრამამდე ხორცი და 3-4 კილო მატყლი. მისი ხორცი პრაქტიკულად არ შეიცავს ცხიმს და არის “დიეტური” საჭმელი.

sheep.ge საქართველოს მეცხვარეთა ასოციაცია
agrokavkaz.ge

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
გამოიყენეთ ბუნებრივი ანტიბიოტიკები — იყავით ჯამრთელი!
1255 Views

ხშირად გაციების ან სხვა საჭიროების გამო, აუცილებელი ხდება ანტიბიოტიკების გამოყენება. ეს კი იწვევს იმუნიტეტის დაქვეითებას და სასარგებლო ბაქტერიების განადგურებას. შესაძლებლობის ფარგლებში, კარგი იქნება თუ ქიმიურ საშუალებებს ბუნებრივით ჩაანაცვლებთ. წარმოგიდგენთ რამდენიმე

სრულად
სამკურნალო მცენარეები
ზეთისხილი — სამკურნალო მცენარე, რამდენიმე რეცეპტი
1309 Views

ზეთისხილი-ზეთისხილისებრთა ოჯახის წარმომადგენელი, მარადმწვანე 3-7 (12) მ სიმაღლის ხე ან მაღალი ბუჩქია განიერი გადაშლილი ვარჯითა და დაბრეცილი ღერო-ტოტებით. ყლორტებზე ერთიმეორის მოპირისპირედ განლაგებული მოკლეყუნწიანი ტყავისებრი, ლანცეტა ან ოდნავ წაგრძელებული ფოთლები ზემოდან

სრულად
აგროკავკასია FB