Krone-მ Agritechnica 2025-ზე, ახალი BiG X 860 საველე კომბაინი წარადგინა, რომელიც აღჭურვილია XCollect 750-2 RotoChop დანამატით, ეს საშუალებას იძლევა სიმინდის ღეროები პირდაპირ აღების დროს დამუშავდეს.
BiG X 860-ს 843 ცხენის ძალა აქვს და ავსებს Krone-ს კომბაინების ფართო ხაზს, რომელიც უკვე მოიცავს BiG X მოდელებს 687-დან – 1156 ცხენის ძალამდე სიმძლავრით და V8 და V12 ძრავებით.
ახალი BiG X 860 აღჭურვილია სრულიად ახალი Liebherr-ის მიერ შემუშავებული 18 ლიტრიანი წრიული 6 ცილინდრიანი დიზელის ძრავით. ბრუნვის მომენტი 4000 ნმ-ია უკვე 1300 ბრ/წთ-ზე. ამ სიმძლავრის გარდა, ძრავას აქვს საწვავის დაბალი მოხმარება და ზეთის შეცვლის 1000 საათიანი ინტერვალები, ანუ ყოველ ორ წელიწადში ერთხელ.
„PowerSplit ფუნქცია მძღოლს საშუალებას აძლევს, ძრავის სიმძლავრე ღილაკზე ერთი შეხებით დაარეგულიროს საჭიროებების მიხედვით: როდესაც სრული სიმძლავრე არ არის საჭირო, ძრავას შეუძლია ეკონომიური Eco-Power რეჟიმში მუშაობა. და პირიქით, როდესაც საჭიროა მანქანის სრული სიმძლავრე, მძღოლი გადადის X-Power რეჟიმზე. არჩეული პარამეტრიდან გამომდინარე, მანქანას ასევე შეუძლია ავტომატურად და უწყვეტად გადართვა ძრავის სიმძლავრის დიაპაზონებს შორის. ეს ტექნოლოგია უზრუნველყოფს საწვავის გონივრულ მოხმარებას და ოპტიმიზებულ ეფექტურობას“, – აღნიშნავს მწარმოებელი.
ექვსი წინასწარი შეკუმშვის ლილვაკი, დიდი საჭრელი როტორი და OptiMaxx 305 დამქუცმაცებელი, ჭრის სამაგალითო ხარისხის საფუძველია. ჩალის არარეგულარული მიწოდების შემთხვევაშიც კი, VariStream კონცეფცია ზამბარიანი როტორითა და ამაჩქარებლის ბაზებით უზრუნველყოფს უწყვეტ, ბლოკირებისგან თავისუფალ მუშაობას.
BiG X 860 მოდელი შეიძლება აღჭურვილი იყოს Krone-ს სხვადასხვა ამღებით: EasyCollect, XCollect სიმინდისთვის, EasyFlow ბალახისთვის და XDisc მთლიანი მცენარეებისთვის. ეს მანქანას ნამდვილად მრავალფუნქციურს ხდის.
„ორსექციიანი XCollect სიმინდის ამღები აღჭურვილია ახალი და უნიკალური ინტეგრირებული RotoChop მულჩირების სისტემით. ის საშუალებას იძლევა, რომ ნამჯა დამუშავდეს სიმინდის ჩალის აღებისთანავე, ერთი გავლით მთელ სამუშაო სიგანეზე, ეს ამარტივებს ნიადაგის მომზადებას შემდგომი კულტურებისთვის. ეს არა მხოლოდ დროსა და საწვავს ზოგავს, არამედ, რაც მთავარია, აუმჯობესებს ნიადაგის ჰიგიენას“, – დასძენს მწარმოებელი.
ციფრული ტექნოლოგიების მხრივ, DLG-ს მიერ სერტიფიცირებული NIR Control Dual ინფრაწითელი სენსორი ზომავს და აფიქსირებს სასილოსე ჩალის კვებით ღირებულებას. ინტეგრირებული KRONE SmartConnect ტელემეტრიული მოწყობილობა რეალურ დროში იწერს და გადასცემს მნიშვნელოვან მონაცემებს. ეს მონაცემები ადვილად ხელმისაწვდომია სმარტფონიდან, პლანშეტიდან ან კომპიუტერიდან Krone SmartTelematics აპლიკაციის გამოყენებით.
წყარო: eldala.kz
