გვჭირდება თუ არა აგრარული საინფორმაციო საშუალებები

239 Views

აგრარული თვალსაზრისით განვითარებულ ქვეყნებს თუ გადავხედავთ, ერთ მნიშვნელოვან გარემოებას აღმოვაჩენთ, თვეითეულ ამ ქვეყანაში, მრავლადაა საინფორმაციო – ანალიტკიური, დარგობრივი საშუალებები.

ამ ქვეყნებში, აგრარული მედიასპექტრი მრავალფეროვანია, ვებ და ბეჭდური მედია, საუნივერსიტეტო გამოცემები, სატელევიზიო გადაცემები თუ სულაც სატელევიზიო არხები.

საქართველოში ამ მხრივ აშკარად კრიზისია, თითზე ჩამოსათვლელი, დარგობრივი მედია საშუალებები უპატრონოდაა მიტოვებული, არც სახელმწიფო, არც საერთაშორისო და არც ადგილობრივი არასამთავრებო ორგანიზაციები (მცირე გამონაკლისის გარდა) არანაირ მონაწილეობას არ იღებენ დარგობრივი მედიის განვითარებაში.

უფრო მეტიც, ორგანიზაციები, რომლებიც თანხებს სწორედ ფერმერებისთვის ინფორმაციის მიწოდებაში იღებენ, საერთოდ არ იყენებენ არსებულ დარგობრივ რესურს – მიუხედავად იმისა, რომ მიზნობრივი ჯგუფი, ძირითადად სწორედ ამ მედია საშუალებებით იღებს ინფორმაციებს.

სოფლის მეურნეობის და ზოგადად სასოფლო დასახლებების განვითარება, არსად არ მომხდარა ინფორმაციული უზრუნველყოფის გარეშე, მითუმეტეს უნდა გავთვალისწინოთ ქართული რეალობა – სპეციალისტების, განათლების, მარკეტინგული უნარების და ახალი ტექნოლოგიების ცნობადობის ნაკლებობა.

კარგია ექსტენციის ცენტრები, მაგრამ როგორია მათი ინფორმაციის გავრცელების ეფექტურობა? რამდენმა დაინტერესებულმა ადამიანმა შეიძლება მიიღოს მათგან საჭირო ინფორმაცია თვეში?

ექსტენციის ცენტრი არ არის დარგობრივი მედიის ალტერნატივა, პირიქით ისინი უნდა თანამშრომლობდნენ და ავსებდნენ ერთმანეთს ფერმერთა საკეთილდღეოდ.

დარგობრივ მედიას არ აქვს ე.წ ცხელი თემები, შესაბამისად მის რეიტინგს მხოლოდ მიზნობრივი ჯგუფის წარმომადგენლები განაპირობებენ, თუმცა საქართველოში მცირე ბიზნესი და მითუმეტეს ფერმერი ჯერ არ არის მზად ფული გადაიხადოს ინფორმაციაში ან რეკლამაში, ჯერ უნდა განვითარდეს წარმოება და ბაზარი.

წარმოებისა და ბაზრის განვითარებისთვის კი საჭიროა ინფორმაცია!

0Shares
In : AgroPlus

Related Articles

კარტლისი – აგროტექნოლოგიები
თქვენი რეკლამა
აგრომარკეტი
ელექსირი
Georgian Dairy
აგრარული საქართველო
ბიზნეს გეგმა
აგროკავკასია FB