სიმონასეული – მაღალი ხარისხის სუფრის მშრალი ღვინის დასამზადებლად

197 Views

სიმონასეული წითელყურძნიანი საღვინე ვაზის ჯიშია.

წარმოშობა: კახეთი

ზრდასრული ფოთოლი საშუალო ზომისაა, მომრგვალო ფორმის, ხუთნაკვთიანი, იშვიათად სამნაკვთიანი. ფოთლის ქვედა მხარე სუსტადაა შებუსული. ყვავილი ორსქესიანია.

მტევანი საშუალო ან საშუალოზე დიდი ზომის, კონუსური, ან ცილინდრულ-კონუსური ფორმის, საშუალო ან კუმსი. მტევნები ფრთიანია, ხშირად ფრთები ორივე მხარეს უვითარდება.

მარცვალი საშუალო ზომისაა, ძირითადად მომრგვალო ფორმის. მუქი მოლურჯო ფერის, ცვილისებური ფიფქით საკმაოდ დაფარული. რბილობი საკმაოდ მკვრივი და წვნიანი. გემო სასიამოვნო, სუსტად გამოხატული ჯიშური არომატით.

ვაზი საშუალო ზრდისაა. სავეგეტაციო პერიოდის ხანგრძლივობა 155 -166 დღეა. მტევნის წონა – 204 – 220 გრამი. საჰექტარო მოსავლიაონობა – 6 – 7 ტონა. ყურძნის სიმწიფის პერიოდში მისი შაქრიანობა – 25.0 – 26.0 %, მჟავიანობა – 7.0 – 7.5 გ/ლ, pH – 3.40.

სიმონასეული გამოიყენება მაღალი ხარისხის სუფრის მშრალი ღვინის დასამზადებლად. ჯიში პერსპექტიულია მთისწინა მევენახეობის რაიონებისათვის.

სიმონასეული, ვაზის, ჯიში, ვენახი, საღვინე

წყარო: სოფლის მეურნეობის სამეცნიერო კვლევითი ცენტრი

Related Articles

კარტლისი – აგროტექნოლოგიები
სამაცივრე აგრეგატები
ბიომიქსი – ბიოაგრო
თქვენი სარეკლამო ბანერი
Georgian Dairy
აგრარული საქართველო
აგრარული, საქართველო
რეკლამა – აგროკავკასია
აგროკავკასია, რეკლამა
აგროკავკასია FB