კარალეთში ვაშლის ბაღში სეტყვისგან დამცავი ბადეები მოეწყო

519 Views

შიდა ქართლის რეგიონში, გორის რაიონის სოფელ კარალეთში, ვაშლის ბაღში სეტყვისაგან დამცავი ბადეები მოეწყო.

„ერთიანი აგროპროექტის“ ფარგლებში, „აგროწარმოების ხელშეწყობის პროგრამის“ ბენეფიციარმა, გიორგი ხოჯევანიშვილმა 3.5 ჰექტარზე გაშენებული ვაშლის ბაღისთვის, სეტყვისაგან დამცავი ბადეების შესაძენად 35 900 ლარის ოდენობის დაფინანსება მიიღო.

სოფლის მეურნეობის პროექტების მართვის სააგენტოს საგრანტო პროექტის მენეჯერი თორნიკე კაპანაძე, შიდა ქართლის რეგიონის გუბერნატორთან კახა სამხარაძესთან და ადგილობრივი თვითმმართველობის წარმომადგენლებთან ერთად სეტყვისგან დამცავი ბადეების მოწყობის პროცესს ადგილზე გაეცნო.

„აგროწარმოების ხელშეწყობის პროგრამა“ პირველად სასოფლო-სამეურნეო წარმოებაში ჩართული მცირემიწიანი ფერმერების სხვადასხვა მიმართულებით დახმარებას და არსებული შემნახველი და გადამამუშავებელი საწარმოების მოდერნიზებას ითვალისწინებს, რაც აგრარული დარგის სწორი და ეფექტიანი განვითარებისთვის კიდევ ერთი მნიშვნელოვანი ხელშეწყობაა სახელმწიფოსა და დონორი ორგანიზაციების მხრიდან“, — განაცხადა პროექტის მენეჯერმა.

„აგროწარმოების ხელშეწყობის პროგრამას“ სოფლის მეურნეობის პროექტების მართვის სააგენტო „სოფლის მეურნეობის მოდერნიზაციის, ბაზარზე წვდომის და მოქნილობის პროექტის“ (AMMAR) მხარდაჭერით ახორციელებს.

პროგრამას სოფლის მეურნეობის განვითარების საერთაშორისო ფონდი (IFAD) და გლობალური გარემოს დაცვის ფონდი (GEF) აფინანსებს.

პროგრამით გათვალისწინებული სააგენტოს თანადაფინანსება შეადგენს წარმოდგენილი პროექტის ჯამური ღირებულების — 40% -ს, ხოლო ბენეფიციარის თანამონაწილეობა — 60% -ს.

აგროწარმოების ხელშეწყობის პროგრამის ბენეფიციარებისთვის თანადაფინანსება გაიცემა ორი კომპონენტის მიმართულებით:

  • პირველადი წარმოების კომპონენტი — ინდივიდუალური ფერმერების, საქართველოში რეგისტრირებული კომერციული იურიდიული პირების და სასოფლო-სამეურნეო კოოპერატივების დაფინანსება.
  • გადამამუშავებელი საწარმოების კომპონენტი — მოქმედი გადამამუშავებელი და შემნახველი საწარმოების და სასოფლო-სამეურნეო კოოპერატივების დაფინანსება.
Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
ორგანიკა
ორგანიკა, ბიო
Georgian Dairy
თქვენი რეკლამა
AgroPlus
ლიახვის ნაკრძალი — ბიომრავალფეროვნება
346 Views

ლიახვის ნაკრძალი ფლორა   ლიახვის ნაკრძალში დაცულია აღმოსავლეთ კავკასიონის სამხრეთული კალთებისათვის დამახასიათებელი მთისა და მაღალმთის მცენარეულობა: ტყის ზედა სარტყელში გავრცელებულია წიფლნარი, ქვედა სარტყელში

სრულად
სამკურნალო მცენარეები
ბაბუაწვერა — სამკურნალო მცენარე, ნაყენის რეცეპტი
2391 Views

ბაბუაწვერა (ლათ.Taraxacum officinale Wigg) მრავალწლიანი ბალახოვანი მცენარეა რთულყვავილოვანთა ოჯახიდან, სიმაღლით 5-50 სმ. მთავარღერძიან ფესვთა სისტემას აქვს კარგად განვითარებული მთავარი ფესვი, სიგრძით 60 სმ-მდე. დიამეტრით 2 სმ-მდე. სხვადასხვა

სრულად
აგროკავკასია FB