ცხოველთა ჯანდაცვის სამომავლო ღონისძიებები განიხილეს

41 Views

სოფლის მეურნეობის სამინისტროში, ცხოველთა ჯანმრთელობის ეროვნული პროგრამის სამეთვალყურეო ჯგუფის მორიგი შეხვედრა გაიმართა, რომელსაც სოფლის მეურნეობის მინისტრის პირველი მოადგილე ნოდარ კერესელიძე ხელმძღვანელობდა.

სურსათის ეროვნული სააგენტოს ვეტერინარიის დეპარტამენტის წარმომადგენლებმა სამეთვალყურეო ჯგუფის წევრებს ცხოველთა ჯანმრთელობის დაცვის მიზნით გატარებული ღონისძიებები და სამომავლო გეგმები გააცნეს და ყურადღება გაამახვილეს პირუტყვის იდენტიფიკაციისა და ვეტერინარული პუნქტების მოწყობის მნიშვნელობაზე.

აღინიშნა, რომ მასშტაბური პრევენციული ღონისძიებების და ვაქცინაციის შედეგად ქვეყანაში შემცირდა დაავადებების შემთხვევები.

შეხვედრას ესწრებოდნენ სოფლის მეურნეობის სამინისტროს, სურსათის ეროვნული სააგენტოს, დაავადებათა კონტროლის ეროვნული ცენტრის, ამერიკის სოფლის მეურნეობის დეპარტამენტის (USDA), შვედეთის განვითარების სააგენტოს (SIDA), ევროკავშირის (EU), გაერთიანებული ერების, სურსათის და სოფლის მეურნეობის ორგანიზაციის (FAO), საფრთხეების შემცირების თავდაცვის სააგენტოს (DTRA) და სხვა დონორი ორგანიზაციების, ასევე საქართველოს საზოგადოებრივ საქმეთა ინსტიტუტის სოფლის მეურნეობის დეპარტამენტის (GRDD/GIPA) წარმომადგენლები.

ცხოველთა ჯანმრთელობის ეროვნული პროგრამა ითვალისწინებს ვეტერინარიის დარგის და უვნებელი სურსათის წარმოების ხელშეწყობას, ცხოველთა ჯანმრთელობისა და ქვეყანაში ეპიზოოტიური კეთილსაიმედოობის დაცვას, რაც სოფლის მეურნეობის ერთ-ერთი მნიშვნელოვანი დარგის – მეცხოველეობის განვითარებას შეუწყობს ხელს.

სამეთვალყურეო ჯგუფის მორიგი შეხვედრა მიმდინარე წლის მაისში გაიმართება.

Related Articles

კარტლისი – აგროტექნოლოგიები
სტარტაპერი
ბიოაგრო
ორგანული, ბიო, აგრო
თქვენი რეკლამა
Georgian Dairy
აგრარული საქართველო
აგრარული, საქართველო
აგროკავკასია FB