![niutoni_skila_jiRaura_5171781892727199172929192_2627282829918101082020 ჯიღაურა, ტრენინგი, სკოლა](https://agrokavkaz.ge/wp-content/uploads/2023/09/niutoni_skila_jiraura_5171781892727199172929192_2627282829918101082020.jpg)
ჯიღაურას ბაზაზე ნიუტონის თავისუფალი სკოლის მოსწავლეებს საველე ტრენინგი ჩაუტარდათ.
სოფლის მეურნეობის სამეცნიერო-კვლევითი ცენტრის მევენახეობა-მეღვინეობის კვლევის სამსახურის უფროსმა, დავით ჩიჩუამ ნიუტონის თავისუფალი სკოლის მე-10 კლასის მოსწავლეებს ჯიღაურას ამპელოგრაფიული კოლექცია დაათვალიერებინა და ვაზის ჯიშებსა და მათ მოვლა-მოყვანაზე მიაწოდა ინფორმაცია.
ჯიღაურას საცდელ-სადემონსტრაციო ბაზაზე მოსწავლეებმა ყურძნის კრეფაში მიიღეს მონაწილეობა და ყურძნის დაწურვის ტექნოლოგიებს გაეცნენ.
ახალგაზრდა კადრების მოზიდვის, მომზადების და აგრარულ სფეროში მათი ჩართვის მიზნით, სოფლის მეურნეობის სამეცნიერო-კვლევითი ცენტრის ბაზებზე რეგულარულად ტარდება უფასო სემინარები და ტრენინგები.