პოლონეთში კარტოფილის სექტორი სერიოზულ გამოწვევას აწყდება. ფერმერები კრიტიკულ მდგომარეობაზე საუბრობენ, რადგან მიმდინარე სეზონში მოსავალმა 7 მილიონ ტონას გადააჭარბა.
ჭარბმა წარმოებამ, იმპორტის პარალელურად, ბაზარზე სერიოზული დისბალანსი შექმნა.
ფასები მკვეთრად დაეცა: თუ ადრე 1 კგ კარტოფილი დაახლოებით €0.18–0.20 ღირდა, ახლა ფასი €0.04–0.05-მდეა შემცირებული, ხოლო ზოგიერთ რეგიონში €0.01–0.02-მდეც კი ეცემა. ასეთ პირობებში ფერმერების ნაწილი თვითღირებულებასაც ვერ ფარავს.
ევროკავშირის მასშტაბით კარტოფილის ჭარბი მოცულობა დაახლოებით 3.3 მილიონ ტონას აღწევს, რაც დამატებით ზეწოლას ახდენს ფასებზე და ზრდის კონკურენციას შიდა ბაზარზე.
მთავარი პრობლემა კვლავ ინფრასტრუქტურაა — შენახვის შესაძლებლობები შეზღუდულია, რის გამოც ფერმერები იძულებულნი არიან პროდუქცია სწრაფად გაყიდონ, თუნდაც მინიმალურ ფასად.
ამ გამოწვევის საპასუხოდ, პოლონეთის სოფლის მეურნეობის სექტორში იგეგმება ინვესტიციები:
- ახალი საცავების მშენებლობისთვის გამოიყოფა დაახლოებით €9.5 მილიონი;
- კარტოფილის სექტორის აღდგენისა და მოდერნიზაციის პროგრამისთვის — დაახლოებით €1.26 მილიარდი.
დაგეგმილია შეხვედრები გადამამუშავებელი ინდუსტრიისა და საცალო ქსელების წარმომადგენლებთან, რათა გაიზარდოს ადგილობრივი კარტოფილის გამოყენება და ნაწილობრივ მაინც დაბალანსდეს ბაზარი.
კარტოფილის მოსავლის გაუმჯობესების აგროტექნიკური მეთოდები
