უკრაინაში თევზის ელექტრონულ სერტიფიკატს შემოიღებენ

87 Views

უკრაინის თევზის სახელმწიფო სააგენტომ, თევზის (წარმოშობის) ელექტრონული სერთიფიკატის და თევზჭერის მონიტორინგის სისტემის შექმნაზე დაიწყო მუშაობა.

სპეციალისტების აზრით, ამგვარი სერტიფიკატი მეთეთევზეობის დარგს „ჩრდილიდან“ გამოიყვანს, მიკვლევადობას გაადვილებს და გამორიცხავს ბრაკონიერების მიერ მოპოვებული და სხვა არალეგალური თევზის ბაზარზე შეტანას.

„სერტიფიკატი ელექტრონული ტიპის იქნება, თევზის ყოველ პარტიას საკუთარი უნიკალური ნომერი მიენიჭება, შესაბამისად ნებიემიერ მსურველს, იქნება ეს სახელმწიფო ორგანოს წარმომადგენელი, თუ უბრალო მომხმარებელი, შეეძლება შევიდეს სპეციალურ პორტალზე და პროდუქტის წარმოშობის კანონიერება შეამოწმოს“,-განმარტა იარემ კუზნეცოვმა, უკრაინის თევზის სახელმწიფო სააგენტოს თავმჯდომარემ.

სერტიფიკატი იმოქმედებს სრული ციკლის განმავლობაში, დაჭერიდან-რეალიზაციამდე. მასში მითითებული იქნება ინფორმაცია სამეურნეო სუბიექტის, თევჭერის ადგილის, დროის და რაოდენობის შესახებ.

„სისტემა მთლიანად ავტომატიზირებული იქნება, ადამიანური ფაქტორის და მასთან დაკავშირებული კორუპციული რისკების გარეშე“,-აღნიშნა იარემ კუზნეცოვმა.

ელექტრონული სერთიფიკატის და თევზჭერის მონიტორინგის სისტემის შექმნის პროცესში, უკრაინელი ექსპერტები დანიის, ნორვეგიის, დიდი ბრიტანეთის, სლოვენიის და ესტონეთის გამოცდილებას გაიზიარებენ.

Share Button

Related Articles

კარტლისი — აგროტექნოლოგიები
თქვენი რეკლამა
Georgian Dairy
თქვენი რეკლამა
სამკურნალო მცენარეები
წითელი მოცვი — სამკურნალო თვისებები — ნაყენის და ნახარშის რეცეპტი
2152 Views

წითელი მოცვი მარადმწვანე ბუჩქოვანი მცენარეა, 25-30 სმ-ის სიმაღლის, მცოცავი ჰორიზონტალური ფესურით, რომელიც ნიადაგის ზედაპირულ

სრულად
აგროკავკასია FB