Fall Creek Farm & Nursery-მ, მოცვის სელექციისა და ნერგების წარმოების ამერიკულმა კომპანიამ, გამოაცხადა სტრატეგიული ინვესტიციის შესახებ ნიდერლანდური კომპანიისთვის FineField, რომელიც ამუშავებს ტექნოლოგიებს მოცვის სექტორისთვის.
ინვესტიციები მიზნად ისახავს კენკრის მოსავლის აღების ტექნოლოგიის განვითარებას, იუწყება Fruitnet.
FineField-ის მიდგომა გულისხმობს მზის ენერგიაზე მომუშავე რობოტული კომბაინების შექმნას, რომლებიც ორიენტირებულია ნაყოფის დაზიანების შემცირებაზე და მოსავლის ხარისხის გასაუმჯობესებაზე. ეს მეთოდი შეესაბამება Fall Creek-ის მისიას, ხელი შეუწყოს უმაღლესი ხარისხის მოცვის წარმოებას.
„ჩვენ ნამდვილად აღფრთოვანებულები ვართ ამ თანამშრომლობის პოტენციალით, რომელიც აერთიანებს Fall Creek-ის ინოვაციურ მუშაობას ჯიშების განვითარებაში და FineField-ის მოწინავე რობოტული მოსავლის აღების ტექნოლოგიას“, – თქვა Fall Creek-ის აღმასრულებელმა დირექტორმა ოსკარ ვერჯესმა. „ჩვენი მიზანია ხელი შევუწყოთ ინოვაციას და გვჯერა, რომ ეს პარტნიორობა განაპირობებს მაღალი ხარისხის პროდუქციის თანმიმდევრულ წარმოებას მთელი წლის განმავლობაში.
„FineField-ის თანამედროვე კომბაინები ნაყოფის დაზიანების მინიმუმამდე ამცირებენ, კომპანია მზად არის მხარი დაუჭიროს მწარმოებლებს ინოვაციური გადაწყვეტილებებით და ჩვენ მოხარული ვართ მათთან პარტნიორობით ამ სფეროში, რათა დავეხმაროთ მწარმოებლებსა და მთელ ინდუსტრიას განვითარებაში,” – თქვა კორტ ბრაზელტონმა Fall Creek-იდან.
თანამშრომლობა ხელს შეუწყობს მოცვის მეურნეობის ზოგიერთი ყველაზე აქტუალური პრობლემის გადაჭრას, მუშახელის დეფიციტიდან დაწყებული გარემოსდაცვითი პრობლემებით დამთავრებული.
იხილეთ აგრეთვე: მოცვის წარმოების აგროტექნოლოგია
