2025 წლის პირველ ექვს თვეში თურქეთმა 79 ქვეყანაში 113,3 მილიონი დოლარის ღირებულების ფსტა (ფისტა) გაიტანა.
სამხრეთ-აღმოსავლეთ ანატოლიის ექსპორტიორთა კავშირის მონაცემებზე დაყრდნობით, სააგენტო Anadolu იუწყება, რომ გასული წლის იანვარ-ივნისთან შედარებით, როდესაც ექსპორტი 96,5 მილიონ დოლარს შეადგენდა, 2025 წლის ანალოგიურ პერიოდში 17%-იანი ზრდაა.
თურქული ფსტას უმსხვილეს მყიდველებს შორის ლიდერობს იტალია, რომელმაც ექვს თვეში 40,7 მილიონი დოლარის ღირებულების პროდუქცია შეიძინა. მეორე ადგილზეა გერმანია (18,9 მილიონი დოლარი), ხოლო მესამეზე – ყაზახეთი (7,4 მილიონი დოლარი).
თურქეთის ფსტას მწარმოებელთა ცენტრალური კავშირის თავმჯდომარემ ფარუკ აქბაშმა აღნიშნა, რომ ექსპორტის რამდენიმე წლის განმავლობაში სტაბილური ზრდა 2025 წლის პირველ ნახევარშიც გაგრძელდება, რაც სექტორისთვის იმედისმომცემი ნიშანია.
„ტენდენცია აღმავალია, დინამიკა დადებითია. თუმცა, როგორც მწარმოებლები, ჩვენც ველით, რომ გადამამუშავებლები ახალ ბაზრებს იპოვიან. ასევე აუცილებელია პროდუქციის ასორტიმენტის გაფართოება უკვე განვითარებულ სფეროებში. ეს ხელს შეუწყობს თურქული ფსტასთვის ახალი ჰორიზონტების გახსნას უცხოურ ბაზრებზე. ყველა ეს წარმატება იმედს გვაძლევს, მაგრამ ჩვენი მიზანი მეტისკენ სწრაფვაა“, – ხაზგასმით აღნიშნა აქბაშმა.
მან ასევე განაცხადა, რომ თურქული პროდუქციის პოპულარიზაციის შესახებ ამერიკის ფსტას კავშირთან მოლაპარაკებები მიმდინარეობს და ამ კონტექსტში, შანლიურფაში ფსტას საერთაშორისო სიმპოზიუმის ჩატარება იგეგმება.
„თურქული ფსტა გამოირჩევა თავისი ხარისხითა და არომატით. ბაზარზე ახალი პროდუქცია ექსპორტს გააცოცხლებს. ვიმედოვნებთ, რომ 2025 წელს 300 მილიონი დოლარის ოდენობამდე შევძლებთ ზრდას. ახალი პროდუქტები დადებითად აისახება როგორც შიდა, ასევე საგარეო ბაზრებზე“, – დასძინა მან.
