გერმანული კომპანია Oil World-ის ანალიტიკოსების თქმით, რომლებიც ბუენოს-აირესის მარცვლეულის ბირჟის პროგნოზებს ეყრდნობიან, არგენტინიდან სოიას ექსპორტი სეზონის ბოლოს – მიმდინარე წლის სექტემბრიდან 2026 წლის მარტამდე – რეკორდულ 7.2 მილიონ ტონას მიაღწევს.
ამ მოცულობის უმეტესი ნაწილი, დაახლოებით 6.8 მილიონი ტონა, სავარაუდოდ, ჩინეთში გაიგზავნება. საერთო ჯამში, არგენტინული სოიას ექსპორტი 2025/26 მარკეტინგულ წელს შეიძლება 12.6 მილიონ ტონას მიაღწიოს, რაც წინა 2024/25 მ.წ. 4.57 მილიონ ტონასთან შედარებით, თითქმის სამჯერ მეტია.
სექტემბრის დასაწყისში არგენტინაში სოიას მარაგი 33 მილიონ ტონას შეადგენდა, რაც რეკორდულად მაღალი მაჩვენებელია. თუმცა, ექსპერტების შეფასებით, 2026 წლის დასაწყისისთვის, მარაგები ბოლო წლების ყველაზე დაბალ ნიშნულამდე დაეცემა, ზეთოვანი კულტურებისა და გადამუშავებული პროდუქტების ექსპორტის მკვეთრი ზრდის გამო.
ასევე, პროგნოზით, 2025/26 წლებში არგენტინაში სოიას წარმოება დაახლოებით 50 მილიონ ტონას მიაღწევს (წლიურად 1 მილიონი ტონით მეტი), ხოლო საბოლოო მარაგი, სავარაუდოდ, 2.4 მილიონ ტონა იქნება (წინა წელს 6.85 მილიონ ტონა).
შეგახსენებთ, რომ ჩინეთის მიერ არგენტინული სოიოს შესყიდვები ექვსწლიანი შესვენების შემდეგ განახლდა.
წყარო: oleoscope
