2025/26 საბაზრო წლის დასაწყისიდან თურქეთი აქტიურად ზრდის ქერის შესყიდვებს: სეზონის პირველ ნახევარში ქვეყანამ ტენდერების მეშვეობით უკვე დაახლოებით 0.9 მილიონი ტონა მარცვლეული შეისყიდა, რომლის მნიშვნელოვანი ნაწილი რუსეთიდან გაიგზავნა.
ამის შესახებ რუსეთის სოფლის მეურნეობის სამინისტროსთან არსებული სასოფლო-სამეურნეო ექსპორტის ფედერალური ცენტრის (აგროექსპორტის) მიერ გავრცელებულ ინფორმაციაშია ნათქვამი.
„რუსეთი თურქეთის ქერის მთავარი მიმწოდებელია, რომელიც ბაზრის 50%-ზე მეტს შეადგენს და უსწრებს უკრაინას, რუმინეთს და გერმანიას. ამრიგად, 2025/26 სეზონის პირველ ნახევარში თურქეთში, სავარაუდოდ, 0.5 მილიონი ტონა რუსული ქერი გაიგზავნა, გასული წლის ანალოგიურ პერიოდში კი ეს მაჩვენებელი 0.2 მილიონი ტონა იყო“, – ნათქვამია ანგარიშში.
2025/26 წლებში თურქეთში ქერის მოსავალი მნიშვნელოვნად შემცირდა და დაახლოებით 6.1 მილიონ ტონამდე (წინა სეზონი 7 მილიონ ტონა). შესაბამისად, აშშ-ის სოფლის მეურნეობის დეპარტამენტი პროგნოზირებს, რომ ამ სეზონზე თურქეთში ქერის იმპორტი დაახლოებით 1.3 მილიონ ტონამდე გაიზრდება, გასული წლის 0.15 მილიონი ტონასთან შედარებით.
„ამ მიმართულებით სავაჭრო აქტივობა, სავარაუდოდ, უახლოეს მომავალში გაგრძელდება, თუმცა ევროკავშირის ქვეყნებთან კონკურენცია შემაკავებელი ფაქტორი იქნება, რადგან ამ სეზონზე ქერის მოსავლის მოსალოდნელი რაოდენობა 56 მილიონი ტონაა, რაც 2016/17 წლების შემდეგ ყველაზე მაღალი მაჩვენებელია (5.7 მილიონი ტონით ზრდა 2024/25 წელთან შედარებით)“, – აღნიშნავენ „აგროექსპორტის“ ანალიტიკოსები.
ქერი ანუ ქართილი, ქართული წარმოშობის კულტურა
