კიევში (უკრაინა) სპეციალიზებულმა სამსახურებმა თურქეთში წარმოებული ბროწეულის პარტია ამოიღეს, რადგან ხილში პესტიციდების ჭარბი რაოდენობა აღმოჩნდა.
თურქეთიდან უკრაინაში ბროწეულის 8400 კგ-იანი პარტია ჩავიდა. შემოწმებისას დადგინდა, რომ ხილი არ აკმაყოფილებდა უკრაინის სურსათის უვნებლობის კანონმდებლობის მოთხოვნებს. ამის შესახებ ინფორმაციას კიევის სურსათისა და სამომხმარებლო სამსახურის ავრცელებს.
დადგინდა, რომ ბროწეულში დასაშვებზე მაღალია პესტიციდების დონეზ, რაც საფრთხეს უქმნის მომხმარებლის ჯანმრთელობას. მოქმედი რეგულაციების მიხედვით, ასეთი პროდუქცია ამოღებულ იქნა მიმოქცევიდან და განადგურდა.
უკრაინის სურსათისა და მომხმარებელთა სახელმწიფო სამსახურში აღნიშნეს, რომ მსგავსი ღონისძიებების მიზანია სურსათის უვნებლობა, მოქალაქეების ჯანმრთელობის დაცვა და საშიში საქონლის შიდა ბაზარზე შეღწევის პრევენცია. ბაზრის ოპერატორები წახალისებულნი არიან დაიცვან დადგენილი მოთხოვნები და ხარისხის სტანდარტები.
იხილეთ აგრეთვე: ბროწეული – დარგვა, მოვლა, მოყვანა
