მოლდოველმა მებაღეებმა ამ სეზონზე გარგარის რეკორდული მოცულობის ექსპორტი განახორციელეს.
ამ სეზონზე მოლდოვამ რეკორდული მოცულობის 12 ათასი ტონა გარგარი გაიტანა, ეს სამჯერ მეტია 2023 წელთან შედარებით – 4 ათასი ტონა, უნდა აღინიშნოს, რომ 2022 წელს გარგარის ექსპორტი 7,5 ათასი ტონა იყო.
ამ მოცულობის 10 ათას ტონაზე მეტი ევროპული ქვეყნების – პოლონეთის, რუმინეთის, ხორვატიის, ნიდერლანდების, გერმანიის, სლოვენიის ბაზრებს მიეწოდება.
მოლდოვური გარგარი შეხვდებოდით როგორც საბითუმო ბაზრებზე, ასევე სათანადოდ შეფუთულს და სერტიფიცირებულს, ევროკავშირის უმსხვილესი სუპერმარკეტების ქსელების თაროებზე, იუწყება EastFruit.
თუ 2020 წელს მოლდოვას რესპუბლიკიდან გარგარის მარაგის 85% იგზავნებოდა ევრაზიის საბაჟო კავშირის (ECU) ქვეყნებში, 2024 წლის სეზონში ექსპორტირებული გარგარის მხოლოდ 13% შევიდა ECU ქვეყნებში, რაც ბაზრების დივერსიფიკაციაზე მიუთითებს.
ექსპორტიორები აღნიშნავენ, რომ ევროკავშირის იმპორტიორების მხრიდან გარგარზე მოთხოვნა ამ სეზონზე საგრძნობლად გაიზარდა, რაც მოლდოვაში გარგარის კარგ მოსავალს დაემთხვა.
იხილეთ აგრეთვე: გარგარი – დარგვა, გასხვლა, მოვლა, ჯიშები
