ჰარვარდი მზადაა, აშშ-ის ადმინისტრაციასთან კონფლიქტის მოსაგვარებლად 500 მილიონი დოლარი გადაიხადოს, წერს The New York Times. NYT-ის წყაროების ცნობით, ამჟამად განიხილება, თუ როგორ განხორციელდება ეს.
მათი თქმით, ჰარვარდის უნივერსიტეტს არ სურს პირდაპირ გადაუხადოს ფედერალურ მთავრობას. გარდა ამისა, გაზეთის ცნობით, უნივერსიტეტის ხელმძღვანელობა სკეპტიკურად უყურებს გარე დამკვირვებლისთვის ხელისუფლებასთან შეთანხმებების შესრულების მონიტორინგის ნებართვის მიცემის იდეას.
ჰარვარდმა ნათლად განაცხადა, რომ ასეთი მოთხოვნა შეიძლება ჩაითვალოს „წითელი ხაზის“ გადაკვეთად და უნივერსიტეტის აკადემიური თავისუფლების პოტენციურ დარღვევად.
ტრამპის ადმინისტრაცია მოითხოვს, რომ ჰარვარდმა განახორციელოს მმართველობითი რეფორმები, შეცვალოს მიღების პოლიტიკა, შეამოწმოს ლექტორები და გააძლიეროს ბრძოლა ანტისემიტიზმის წინააღმდეგ. აშშ-ს ერთ-ერთ ყველაზე პრესტიჟულ უნივერსიტეტს უცხოელი სტუდენტების მიღება აეკრძალა. ჰარვარდი ამას სასამართლოში ასაჩივრებს.
გასულ კვირას გამოცხადდა, რომ კოლუმბიის უნივერსიტეტი, ებრაელი სტუდენტების არასაკმარისი დაცვისთვის 200 მილიონი დოლარის ოდენობის ჯარიმას გადაიხდის. სანაცვლოდ, აშშ-ის ადმინისტრაცია გაყინულ გრანტებს დააბრუნებს.
წყარო: NYT
