აზერბაიჯანში ინდუსტრიალიზაციის, მომსახურებისა და ლოჯისტიკის გაფართოებასთან ერთად, ქვეყნის ეკონომიკაში სოფლის მეურნეობის სექტორის წილი შემცირდება.
აზერბაიჯანის სოფლის მეურნეობის მინისტრის, მაჯნუნ მამედოვის თქმით, გასული წლის ბოლოს, სოფლის მეურნეობის სექტორი წილი აზერბაიჯანის მთლიანი შიდა პროდუქტის (მშპ) 5.7%-ს შეადგენდა.
„ბოლო წლებში, მშპ-ში სოფლის მეურნეობის წილის თანდათანობით შემცირება შეინიშნება, თუმცა სოფლის მეურნეობის სექტორი ზრდას აჩვენებს. ეს სინამდვილეში ნორმალურია და არაფერია სანერვიულო. ამრიგად, აზერბაიჯანში ინდუსტრიალიზაციის, მომსახურებისა და ლოჯისტიკის გაფართოებასთან ერთად, ქვეყნის ეკონომიკაში სოფლის მეურნეობის სექტორის წილი შემცირდება. არაფერია სანერვიულო“, – ციტირებს მინისტრს ABC.az.
მაჯნუნ მამედოვმა ეს აზერბაიჯანის მზარდი ეკონომიკური სიძლიერის და ინდუსტრიული განვითარების მოტივით ახსნა: „განვითარებულ ქვეყნებთან შედარებით, ეს სწორი მიმართულებაა. განვითარებული სოფლის მეურნეობის სექტორების მქონე ქვეყნებში სოფლის მეურნეობა მათი ეკონომიკის დაახლოებით 1-2%-ს შეადგენს. ამიტომ, სოფლის მეურნეობის სექტორში, ჩვენს ძირითად ძალისხმევას პროდუქტიულობის გაზრდაზე ვამახვილებთ. ჩვენი მიზანია, რომ ადამიანებს ეფექტური მუშაობის შესაძლებლობა ჰქონდეთ“.
