ესპანეთი დიდი სავენახებე ფართობების მქონე ქვეყანაა და ერთ-ერთ წამყვან მოთამაშედ ითვლება გლობალურ ღვინის ბაზარზე.
ქვეყნის მეღვინეობა ეფუძნება მრავალსაუკუნოვან ტრადიციას, მაგრამ პარალელურად აქტიურად გამოიყენება თანამედროვე ტექნოლოგიები და ექსპორტზე ორიენტირებულ სტრატეგია.
კლიმატური ზონების მრავალფეროვნება ესპანეთს საშუალებას აძლევს აწარმოოს როგორც მასობრივი, ისე მაღალი ხარისხის ღვინო.
რას აწარმოებს ესპანეთი (წლიური მოცულობები):
- ყურძენი (საერთო წარმოება) – 6–7 მლნ ტონა;
- ღვინო (საერთო წარმოება) – 35–40 მლნ ჰექტოლიტრი;
- სუფრის ყურძენი – 900 ათასი – 1 მლნ ტონა;
- ყურძნის წვენი და კონცენტრატი – 1.2–1.4 მლნ ტონა;
- ქიშმიში – 60–80 ათასი ტონა.
ესპანეთის მეღვინეობა გამოირჩევა ჯიშური და რეგიონული მრავალფეროვნებით. წამყვანი ჯიშებია: Tempranillo, Garnacha, Airén, Monastrell, ხოლო რეგიონები — Rioja, Ribera del Duero, La Mancha, Priorat და Cava-ს ზონა.
ესპანეთი ერთ-ერთი უმსხვილესი ღვინის ექსპორტიორია მოცულობით, თუმცა საშუალო საექსპორტო ფასი შედარებით დაბალია, რაც ნაყარი ღვინის დიდ წილზე მიუთითებს. ღვინისა და ყურძნის პროდუქტების ექსპორტის ღირებულება 3–3.5 მლრდ აშშ დოლარს აღწევს.
ექსპორტის ძირითადი მიმართულებები და მოცულობები:
- ღვინო (ბოთლირებული + ჩამოსასხმელი) – 20–22 მლნ ჰექტოლიტრი;
- ჩამოსასხმელი ღვინო – 11–13 მლნ ჰექტოლიტრი;
- ბოთლირებული ღვინო – 7–9 მლნ ჰექტოლიტრი;
- ყურძნის წვენი და კონცენტრატი – 800–900 ათასი ტონა,
ძირითადი ბაზრები: ევროკავშირი (საფრანგეთი, გერმანია), დიდი ბრიტანეთი, აშშ, ჩინეთი, ლათინური ამერიკა.
