2024 წელს ევროპაში ვაშლის წარმოება ბოლო სამი წლის საშუალოზე 14%-ით ნაკლები იქნება – WAPA.
ვაშლისა და მსხლის მწარმოებელთა მსოფლიო ასოციაციის (WAPA) ექსპერტებმა ევროკავშირის ქვეყნებში ვაშლისა და მსხლის წარმოების მთლიანი მოცულობის პროგნოზები გააკეთეს. EastFruit ხაზს უსვამს ყველაზე მნიშვნელოვან პუნქტებს.
ვაშლის მოსავალი 2024 წელს ევროკავშირის ძირითად 20 ქვეყანაში მთლიანობაში ბოლო სამი წლის საშუალოზე 14%-ით ნაკლები იქნება. მოსავლის შემცირება მოსალოდნელია უმეტეს მწარმოებელ ქვეყნებში, მათ შორის საფრანგეთში (-3%), იტალიაში (-1%) და ნიდერლანდებში (-1%). ყველაზე სერიოზულ შემცირებას ვაშლის მწარმოებლები ბელგიაში (-34%), რუმინეთში (-15%) და პოლონეთში (-20%) ელოდებიან.
WAPA-ს წინასწარი შეფასებით, ევროკავშირში ვაშლის წარმოების უდავო ლიდერად პოლონეთი რჩება. კერძოდ, მთლიანი ევროპული წარმოების 31% შედგება პოლონური სადესერტო და სამრეწველო გადამუშავების ვაშლის ჯიშებისგან. მეორე ადგილზეა იტალია 21% წარმოების მოცულობით, მესამეზე საფრანგეთი (14%), შემდეგ გერმანია (8%), ესპანეთი (6%) და რუმინეთი (4%).
ტოპ 3 ყველაზე პოპულარული ვაშლის ჯიში ევროკავშირში
წარმოებაში ყველაზე პოპულარული ვაშლის ჯიში რჩება გოლდენ რეინდერსი „გოლდენ დელიშესი“. ამ ჯიშის ვაშლის მთლიანი მოსავალი 1 972 514 ტონაა. პროგნოზების მიხედვით, გაიზრდება „რედ დელიშესი“ ვაშლის წარმოება, მოსავლის მოცულობა დაახლოებით 616 ათასი ტონა (+2,8% 2023 წლისთვის) და „აიდარედი“ 503 ათასი ტონა (18,4%).
იხილეთ აგრეთვე: ვაშლის მოვლა-მოყვანის ტექნოლოგია
