სეულის ცენტრში, ერთ-ერთი მრავალსართულიანი შენობის სახურავზე არის ექსპერიმენტული სათბური, რომელიც იყენებს ენერგიის დაზოგვის სპეციალურ ტექნოლოგიას.
ეს სათბური გახდება ერთგვარი მოდელი სამხრეთ კორეის დედაქალაქში მსგავსი სათბურების დიზაინისა და მშენებლობის სტანდარტის შემუშავებისთვის.
კორეის მექანიზაციისა და მასალების ინსტიტუტის (KIMM) მეცნიერთა ჯგუფმა, 200 მ2 ფართობის სათბური დააშენა საოფისე შენობაზე და შექმნა ენერგიის აქტიური გაცვლის ტექნოლოგია – შენობის მიერ გამოყოფილი სითბო და ნახშირორჟანგი გამოიყენება ბოსტნეულის გასაშენებლად.
ამ ტექნოლოგიის გამოყენებით ჰაერის კონდიცირების ენერგია და სათბურის აირები შეიძლება შემცირდეს შესაბამისად 20%-ით და 30%-ით, ხოლო სასოფლო-სამეურნეო კულტურების მოსავლიანობის გაზარდოს 20%-ით.
ქალაქში სათბურების განლაგებით, შეიძლება მკვეთრად შემცირდეს ლოჯისტიკის ხარჯები. სათბურს აკონტროლებს პროგრამული უზრუნველყოფა, რომელიც საშუალებას გაძლევთ აკონტროლოთ მიკროკლიმატის ყველა ძირითადი პარამეტრი.
სამომავლოდ, ინსტიტუტის მეცნიერები, არქიტექტორებთან და მშენებლებთან ერთად, შეიმუშავებენ სახურავზე სათბურების სამშენებლო სტანდარტებს და შესაბამის მარეგულირებელ ბაზას.
შემდეგში ექსპერიმენტული სათბური, სეულის მცხოვრებლების მონაწილეობით გამოყენებული იქნება როგორც ლაბორატორია – სოციალური პროექტების განსახორციელებლად. აქ შეისწავლიან ინდუსტრიულ სოფლის მეურნეობასაც.
იხილეთ აგრეთვე: ზოგადი ინფორმაცია მათთვის ვინც სათბურის აწყობას გეგმავს
