გერმანიაში კარტოფილის რეალიზაცია ამჟამად ძალიან წარმატებულად მიმდინარეობს. ბაზრის მონაწილეების თქმით, ბოლო პერიოდში კარტოფილსა და ხახვზე ფასების გაძვირების რამდენიმე ეტაპი დაფიქსირდა.
ამან, თავის მხრივ, ხელი შეუწყო ფერმერების უარს პროდუქციის გაყიდვის თაობაზე. მათ მიაჩნიათ, რომ კარტოფილი გაძვირდება მომდევნო კვირებში, იუწყება EastFruit FreshPlaza-ზე დაყრდნობით.
სლავ სპასესკი, კარტოფილის გამყიდველი ბერლინის საბითუმო ბაზარზე და შპს Openica-ს მმართველი დირექტორი, მოელის, რომ კარტოფილის ფასები ისევ გაიზრდება, თუმცა ის არ გამორიცხავს, რომ „გარდამტეხი ზღვარი ნელა, მაგრამ აუცილებლად მიიღწევა“.
ამ ეტაპზე გერმანიის ბაზარზე ჩვეულებრივზე ნაკლები რაოდენობის კარტოფილია ხელმისაწვდომი. მოვაჭრე განმარტავს: „ამჟამად აღმოსავლეთ გერმანიიდან და ქვემო საქსონიიდან აქტიურად მიმდინარეობს პროდუქციის ექსპორტი აღმოსავლეთ ევროპის ქვეყნებში, როგორიცაა უნგრეთი და რუმინეთი. ეს შესაბამის გავლენას ახდენს ადგილობრივ ბაზრებზე მიწოდების მდგომარეობაზე“.
სპასესკის თქმით, ხახვის რეალიზაციასთან დაკავშირებით დღეს კარტოფილთან შედარებით უარესი მდგომარეობაა. გერმანული პროდუქტის ფასები „კატასტროფულია“, ზოგჯერ 50%-ით მაღალი ვიდრე გასულ წელს. წითელი ხახვი ბოლო დროს საგრძნობლად გაძვირდა და ახლა 0,70-0,80 ევრო/კგ-ად იყიდება. სპეციალისტს ჯერ არ შეუნიშნავს ხარისხთან დაკავშირებული პრობლემები.
წყარო: EastFruit
