დანიური კომპანია Nordic Harvest ექსპლუატაციაში უშვებს რეგიონის ერთ-ერთ უმსხვილეს ვერტიკალურ ფერმას (ინგლ. vertical farming), რომელიც ხელს უწყობს მდგრადი სასოფლო-სამეურნეო წარმოების განვითარებას.
ამის შესახებ EuroWeeklyNews-ის ინფორმაციაზე დაყრდნობით იუწყება AgroTimes-ი.
აღმასრულებელი დირექტორი ანდერს რიმანი აღნიშნავს, რომ ვერტიკალური მეურნეობა თანხვედრაშია მდგრადი კვების სისტემასთან. გარდა ამისა, ადგილობრივი წარმოება ამცირებს რესურსების მოხმარებას და ლოჯისტიკის ხარჯებს.
„ვერტიკალურ ფერმის მრავალდონიანი თაროები, მალე კოპენჰაგენის ბაზრებს ადგილობრივი პროდუქციის ასორტიმენტით მოამარაგებს“, – აღნიშნავს გამოცემა.
ფერმას აქვს იისფერი სპექტრის LED განათება, რაც ხელს უწყობს სწრაფ ციკლებს და პოტენციურად ზრდის მოსავალს. ვერტიკალურ მეურნეობას აქვს ნაკლები ზემოქმედება გარემოზე, იყენებს ნაკლებ მიწას და წყალს, ვიდრე ტრადიციულ მეთოდების დროს.
ფერმის გათბობა ხდება განახლებადი ენერგიის წყაროების გამოყენებით, რაც მნიშვნელოვნად ამცირებს CO2-ის გამოყოფას.
ვერტიკალურ ფერმაში Nordic Harvest-ში ინვესტიციები 8,5 მილიონ ევროს შეადგენს.
