ევროკომისიამ (EC) ახალგაზრდა ფერმერებისთვის, დაფინანსების გაორმაგების წინადადება წამოაყენა, რათა სოფლის მეურნეობაში დაბერების კრიზისი შეჩერდეს.
Politico-ს ცნობით, მომავალ კვირას წარმოდგენილი იქნება ევროკავშირის სოფლის მეურნეობის თაობათა განახლების სტრატეგია, რომელიც მიზნად ისახავს სურსათის მწარმოებლების ახალგაზრდა თაობის მხარდაჭერას, რომლებიც პროფესიაში შესვლის მრავალ ბარიერს აწყდებიან.
აღნიშნულია, რომ ამჟამად ევროპაში, ფერმერული მეურნეობების მენეჯერების მესამედზე მეტი 65 წელზე მეტი ასაკისაა, ხოლო ყოველი მერვეზე ნაკლები 40 წელზე ნაკლები ასაკისაა.
„საქმე იმაში არ არის, რომ ახალგაზრდებს არ სურთ სოფლის მეურნეობა, არამედ იმაში, რომ თითქმის შეუძლებელია დაწყება“, – თქვა ლუქსემბურგის ახალგაზრდა ფერმერთა ჯგუფის ვიცე-პრეზიდენტმა, 21 წლის სარა თილმა.
მიწის ფასები ახალგაზრდა ფერმერებისთვის დაბრკოლებად იქცა. ევროკავშირში ერთი ჰექტარი სახნავ-სათესი მიწის ფასი დაახლოებით 12 000 ევროა. ნიდერლანდებში ეს ფასი 90 000 ევროზე მეტია (10 წლის წინ 56 000 ევრო იყო).
ამავდროულად, ნიდერლანდების ახალგაზრდა ფერმერთა ასოციაციის (NAJK) ხელმძღვანელმა, როი მეიერმა, აღნიშნა, რომ ბანკები ახალგაზრდა ფერმერებს რისკიან მსესხებლებად აღიქვამენ, რაც 25 წლის ახალგაზრდას მიწის შეძენას პრაქტიკულად შეუძლებელს ხდის.
ახალგაზრდა ფერმერები სოფლის მეურნეობას არა ტრადიციად, არამედ ბიზნესად მიიჩნევენ. ისინი მზად არიან თანამედროვე ტექნოლოგიების მისაღებად, მაგრამ სტაბილურ რეგულაციებს საჭიროებენ.
