ქაშგარში ჩინეთი-ყირგიზეთი-უზბეკეთი-თურქმენეთის მულტიმოდალური მარშრუტით, ტვირთების გადაზიდვის გახსნის ცერემონია გაიმართა, იტყობინება საინფორმაციო სააგენტო Dunyo კორესპონდენტი.
ამ მულტიმოდალური მარშრუტის გახსნის მიზანია ცენტრალური აზია-ჩინეთის და ჩინეთი-ევროპის მარშრუტების დივერსიფიკაცია და შუა დერეფნის სატრანზიტო შესაძლებლობების განვითარება.
ქაშგარიდან ამ მარშრუტზე შვიდმა სატრანსპორტო საშუალება უკვე დაიწყო მოძრაობა. სატრანსპორტო საშუალებების უზბეკეთში ჩასვლა 21 ოქტომბერს, ხოლო თურქმენეთში 24 ოქტომბერს იგეგმება. ტვირთის ნაწილი თურქმენეთიდან აზერბაიჯანში გაიგზავნება.
ჩინეთის სახალხო რესპუბლიკის ტრანსპორტის სამინისტროს სატრანსპორტო მომსახურების დეპარტამენტის დირექტორის, კაი ტუანჯიეს თქმით, ჩინეთი-ყირგიზეთი-უზბეკეთი-თურქმენეთის მულტიმოდალური სატრანსპორტო მარშრუტი აჩვენებს ცენტრალური აზიის ქვეყნებისა და ჩინეთის ლიდერების ერთგულებას ორმხრივი თანამშრომლობის განვითარების მიმართ.
სატრანზიტო მარშრუტი დადებით გავლენას მოახდენს ყველა მონაწილე ქვეყნის ეკონომიკურ განვითარებაზე, ორმხრივი სატვირთო გადაზიდვების გაზრდასა და „ერთი სარტყელი, ერთი გზა“ ინიციატივის განხორციელებაზე. ეს მარშრუტი შესაძლებლობებს ხსნის არა მხოლოდ ევროპული ბაზრებისთვის, არამედ სამხრეთ აზიისა და ახლო აღმოსავლეთის ბაზრებისთვისაც.
