ახმეტური შავი – წითელყურძნიანი საღვინე ვაზის ჯიში

ახმეტური, საღვინე, ვაზის, ჯიში

ახმეტური შავი წითელყურძნიანი საღვინე ვაზის ჯიშია, მისი სინონიმები: ახმეტურა და ახმეტის წითელი.

წარმოშობა: კახეთი

მიიღება ხარისხიანი სუფრის წითელი ღვინო. გამოიყენება აგრეთვე საკუპაჟე მასალად.

ახმეტური შავი საშუალოზე ძლიერი ზრდა-განვითარების და საშუალო მოსავლიანი ვაზის ჯიშია; ახალშენი ნარგაობის სახით , მცირე ფართობზე გაშენებულია ახმეტის მუნიციპალიტეტში.

ზრდასრული ფოთოლი საშუალო ან დიდი ზომისაა, ხუთნაკვთიანი. ფოთლის ქვედა მხარე შებუსულია თხელ აბლაბუდისებურად.

მტევანი საშუალო ზომისაა, კონუსური ფორმის, ზოგჯერ ცილინდრულ-კონუსური, საშუალო სიმკვრივის. გვხვდება აგრეთვე თხელი მტევნებიც. მარცვალი საშუალო ზომისა და ოდნავ ოვალური ფორმის, მოლურჯო-შავი ფერის. კანი მკვრივი აქვს, რბილობი რბილი და წვნიანი.

სავეგეტაციო პერიოდის ხანგრძლივობა 165 დღეა. მტევნის წონა 165-200 გრამია. ყურძნის სრული სიმწიფის პერიოდში მისი შაქრიანობა აღწევს 18-19% – ს, მჟავიანობა 7-8 გ/ლ – ს.

წყარო: სოფლის მეურნეობის სამეცნიერო კვლევითი ცენტრი.

იხილეთ აგრეთვე: ვაზის ზოგიერთი მცირედ გავრცელებული კახური ჯიში