უზბეკეთმა ჩინეთის სახალხო რესპუბლიკიდან მანდარინისა და ანანასის იმპორტი დროებით აკრძალა.
ეს გადაწყვეტილება ჩინეთიდან ხილის პარტიებში საკარანტინო მავნებლების რეგულარული გამოვლენის გამო იქნა მიღებული.
იმპორტირებული მანდარინისა და ანანასის ნიმუშები ცენტრალურ ფიტოსანიტარიულ ლაბორატორიაში შემოწმდა. ტესტების შედეგად გამოვლინდა საშიში საკარანტინო მავნებლები, რომლებიც დაახლოებით 20 პარტიაში იქნა აღმოჩენილი.
UzDaily.uz-ის ცნობით, დაბინძურების შესახებ ჩინეთის მცენარეთა დაცვის ეროვნულ ორგანიზაციას ეცნობა და შესაბამისი მასალები და დოკუმენტები გაეგზავნა.
აკრძალვის დროს, ჩინეთიდან მანდარინისა და ანანასის იმპორტის საკარანტინო ნებართვების დამუშავება შეჩერებულია.
შემზღუდავი ზომები ძალაში დარჩება მანამ, სანამ მათი დაწესების მიზეზები სრულად არ აღმოიფხვრება და მიზნად ისახავს საშიში საკარანტინო ორგანიზმების უზბეკეთში შეღწევისა და გავრცელების თავიდან აცილებას.
მანდარინი – დარგვა, მოვლა-მოყვანა, ბაღის გაშენება
