აშშ-ს პრეზიდენტმა პირობა დადო, რომ 1 აგვისტოდან ევროკავშირიდან და მექსიკიდან შემოტანილ საქონელზე 30%-იან გადასახადს დააწესებს. ამის შესახებ მან ურსულა ფონ დერ ლაიენისა და კლაუდია შეინბაუმისადმი გაგზავნილ წერილებში განაცხადა, რომლებიც Truth Social-ში გამოქვეყნდა.
აშშ-ს პრეზიდენტი დონალდ ტრამპი ევროკავშირისა და მექსიკის საქონელზე 30%-იანი ტარიფების დაწესებას გეგმავს. მან შაბათს, 12 ივლისს, სოციალურ ქსელ Truth Social-ზე გამოაქვეყნა შესაბამისი შეტყობინებებით გაგზავნილი წერილები, რომლებიც ევროკომისიის პრეზიდენტ ურსულა ფონ დერ ლაიენისა და მექსიკის პრეზიდენტ კლაუდია შაინბაუმისთვის იყო განკუთვნილი.
ევროკავშირის წინააღმდეგ ტარიფები სავაჭრო დეფიციტის გამო შემოდის.
ტრამპმა ევროკავშირის ქვეყნებთან დაკავშირებით თავისი გადაწყვეტილება ბრიუსელსა და ვაშინგტონს შორის „ერთ-ერთი ყველაზე სერიოზული სავაჭრო დეფიციტით“ ახსნა. მიუხედავად ამისა, ამერიკის პრეზიდენტმა განაცხადა, რომ თუ ევროპული კომპანიები და ქვეყნები „გადაწყვეტენ პროდუქციის შეერთებულ შტატებში აწყობას ან წარმოებას“, ისინი სავაჭრო ტარიფებს არ დაექვემდებარებიან.
თუ ევროკავშირი ამერიკულ საქონელზე ტარიფების გაზრდით უპასუხებს, დონალდ ტრამპი ევროკავშირს ვაშინგტონიდან სიმეტრიული პასუხს ჰპირდება.
ტრამპმა მექსიკის წინააღმდეგ ტარიფები აშშ-ში ნარკოტრაფიკის წინააღმდეგ ბრძოლის არასაკმარისი ძალისხმევით ახსნა.
კლაუდია შეინბაუმისადმი გაგზავნილ წერილში დონალდ ტრამპმა ხაზგასმით აღნიშნა, რომ მეხიკო „დაეხმარა“ ვაშინგტონს „საზღვრის დაცვაში“, თუმცა ამ ძალისხმევას არასაკმარისად მიიჩნევდა. მან ასევე შეახსენა მექსიკის პრეზიდენტს ქვეყნებს შორის სავაჭრო დეფიციტი.
„მექსიკამ ჯერ კიდევ არ შეაჩერა კარტელები, რომლებიც ცდილობენ ჩრდილოეთ ამერიკა ნარკოტიკებით ვაჭრობის სათამაშო მოედანად აქციონ. ცხადია, ამის დაშვება არ შემიძლია!“ – წერს ტრამპი. როგორც ევროკავშირის შემთხვევაში, მან მექსიკურ კომპანიებს შესთავაზა, თავიანთი წარმოება აშშ-ში გადაეტანათ და ამაში დახმარება აღუთქვა.
ურსულა ფონ დერ ლაიენი: ტარიფები ტრანსატლანტიკურ მიწოდების ჯაჭვებს დაარღვევს.
ევროკომისიის პრეზიდენტმა ურსულა ფონ დერ ლაიენმა, დონალდ ტრამპის მიერ ევროკავშირისთვის ტარიფების დაწესების გადაწყვეტილებაზე კომენტარი გააკეთა: „ევროკავშირის ექსპორტზე 30%-იანი ტარიფების შემოღება ტრანსატლანტიკურ მიწოდების ჯაჭვებს დაარღვევს, რაც ატლანტიკის ოკეანის ორივე მხარეს ბიზნესებს, მომხმარებლებსა და პაციენტებს ზიანს მიაყენებს“, – ციტირებს მის სიტყვებს Reuters.
პოლიტიკოსმა დასძინა, რომ ბრიუსელი მზადაა, 1 აგვისტომდე შეერთებულ შტატებთან შეთანხმების მისაღწევად მუშაობა გააგრძელოს. „ამავდროულად, ჩვენ ყველა საჭირო ზომას მივიღებთ ევროკავშირის ინტერესების დასაცავად, მათ შორის, საჭიროების შემთხვევაში, პროპორციული კონტრზომების მიღებას“, – დაასკვნა მან.
ტრამპის ტარიფები სხვა ქვეყნების წინააღმდეგ
7 ივლისს, დონალდ ტრამპმა თავის Truth Social გვერდზე გამოაქვეყნა ინფორმაცია, 1 აგვისტოდან იაპონიისთვის, სამხრეთ კორეისთვის, მალაიზიისთვის, ყაზახეთისა და ტუნისისთვის 25%-იანი, სამხრეთ აფრიკისა და ბოსნია და ჰერცეგოვინისთვის 30%-იანი, ინდონეზიისთვის 32%-იანი, სერბეთისა და ბანგლადეშისთვის 35%-იანი, ტაილანდისა და კამბოჯისთვის 36%-იანი და ლაოსისა და მიანმარისთვის 40%-იანი სავაჭრო ტარიფების შემოღების შესახებ.
მოგვიანებით, მან დაამატა ტარიფები მოლდოვას, ფილიპინების, ბრუნეის, ალჟირის, ლიბიის, ერაყის, შრი-ლანკისა და კანადის წინააღმდეგ. საერთო ჯამში, ევროპული ქვეყნების გარდა, 24 ქვეყანა მოექცა ამერიკული ადმინისტრაციის სავაჭრო შეზღუდვების ქვეშ.
წყარო: dw
