ნესტლე უერთდება ჯანსაღი ინგრედიენტების მიმართ გლობალურ ტენდენციას და აცხადებს, რომ 2026 წლის შუა პერიოდისთვის აშშ-ში, პროდუქციის პორტფელიდან ხელოვნურ საღებავებს სრულად ამოიღებს.
კომპანიამ უკვე მიაღწია მნიშვნელოვან პროგრესს – აშშ-ს ბაზარზე ნესტლეს პროდუქციის 90%-ზე მეტი არ შეიცავს სინთეზურ საღებავებს.
ეს გადაწყვეტილება გახდა, აშშ-ის ჯანდაცვის მინისტრის რობერტ ფ. კენედი უმცროსის, უფრო ფართო ინიციატივის ნაწილი, რომელიც მიზნად ისახავდა ქვეყნის კვების სისტემის გაჯანსაღებას, იმ შეშფოთების ფონზე, რომელიც ხელოვნურ დანამატებს აკავშირებს ისეთ დაავადებებთან, როგორიცაა ყურადღების დეფიციტის და ჰიპერაქტიურობის სინდრომი, სიმსუქნე და დიაბეტი.
ნესტლეს ინიციატივა შეესაბამება ინდუსტრიის სხვა მსხვილი მოთამაშეების გეგმებს, როგორიცაა Conagra, General Mills და Kraft Heinz, რომლებმაც ასევე წარმოადგინეს ხელოვნური საღებავების თანდათანობით ამოღების გეგმები 2026-2027 წლებისთვის.
ბოლო ათწლეულის განმავლობაში, Nestlé-მ თანდათანობით შეამცირა თავის პროდუქტებში სინთეტიკური ინგრედიენტების რაოდენობა და ისინი ბუნებრივი ალტერნატივებით ჩაანაცვლა, რაც უფრო მეტად აფასებდა მომხმარებელთა და მარეგულირებელი ორგანოების მიერ ჯანსაღი პროდუქტების მოთხოვნას.
Nestlé USA-ს აღმასრულებელი დირექტორის, მარტი ტომპსონის თქმით, ეს გადაწყვეტილება ასახავს საკვების მიმართ მოთხოვნების ცვლილებას და ფოკუსირებულია იმ ინგრედიენტებზე, რომლებიც მომხმარებლებისთვის მისაღებია.
წყარო: DairyNews.today
