თურქეთში თურქულის გამო მეცხოველეობის ბაზრები დაიხურა

თურქეთის ხელისუფლებამ, დაავადება თურქულის შემთხვევების ზრდის გამო, ქვეყანაში მეცხოველეობის ყველა ბაზრის დახურვის შესახებ განაცხადა.

ბრძანება გაეგზავნა სოფლის მეურნეობისა და სატყეო მეურნეობის სამინისტროს რეგიონულ ოფისებს, განუცხადეს IHA-ს სურსათის კონტროლის გენერალურმა დირექტორატმა.

გადაწყვეტილება ქვეყნის 81-ვე პროვინციას ეხება და ძალაში დაუყოვნებლივ შედის. დეპარტამენტი ამ ზომას ვირუსის გავრცელების მაღალი რისკით ხსნის, რაც გამოწვეულია პირუტყვით აქტიური ვაჭრობით და ცხოველების გადაადგილებით ყურბან-ბაირამობის დღესასწაულის შემდეგ, რომელსაც ტრადიციულად თან ახლავს ცხოველების მასობრივი შესყიდვები და დაკვლა.

კარანტინი დაწესებულია იმ რაიონებში, სადაც დაავადების შემთხვევები უკვე დაფიქსირებულია. თურქეთის ხელისუფლებას თურქულის ვაქცინის მარაგი, მაგრამ, როგორც ხაზგასმულია, ტექნიკურად შეუძლებელია სრული ვაქცინაციის უმოკლეს დროში უზრუნველყოფა.

„გთხოვთ, დაუყოვნებლივ დახუროთ თქვენს პროვინციაში მოქმედი ყველა სავაჭრო ობიექტი შემდგომ შეტყობინებამდე, რადგან ცხოველებისა და ვიზიტორების ინტენსიური გადაადგილება იმ ადგილებში, სადაც ცხოველები იყიდება, მაგალითად, მეცხოველეობის ბაზრებში… დაავადების გავრცელების მაღალ რისკს წარმოადგენს“, – ციტირებს სააგენტო დოკუმენტს.

თურქეთში ამ დაავადების ბოლო მასშტაბური აფეთქება 2023 წლის დასაწყისში დაფიქსირდა, როდესაც ცალკეულმა რეგიონებმა ცხოველებით ვაჭრობაზე დროებითი შეზღუდვები შემოიღეს.

წყარო: dairynews.today/kz

იხილეთ: თურქული – მწვავედ მიმდინარე, ინფექციური, გადამდები დაავადება