ყირგიზეთის რესპუბლიკის წყლის რესურსების, სოფლის მეურნეობისა და გადამამუშავებელი მრეწველობის სამინისტრომ 2025-2029 წლების ორგანული წარმოების განვითარების პროგრამის პროექტი შეიმუშავა.
პროგრამა მიზნად ისახავს სახელმწიფო მხარდაჭერით ბიოპროდუქტების მწარმოებლებისთვის ხელსაყრელი სამართლებრივი, ეკონომიკური და სოციალური პირობების შექმნას.
ყირგიზეთს აქვს უნიკალური ბუნებრივი და კლიმატური პირობები ორგანული სოფლის მეურნეობის განვითარებისთვის:
- სუფთა ეკოსისტემა;
- ეკოლოგიურად სუფთა ნიადაგები და წყალი მთაში და მთისწინეთში;
- ტრადიციული მეურნეობის მეთოდები აგროქიმიკატების დაბალი გამოყენებით;
- მდიდარი ბიომრავალფეროვნება;
- მაღალი საექსპორტო პოტენციალი.
ამჟამად სერტიფიცირებული ორგანული სასოფლო-სამეურნეო დანიშნულების მიწის ფართობი 63000 ჰექტარს შეადგენს, რაც მთლიანი სახნავი მიწის 5,25%-ის ტოლია, წერს Vb.kg.
2025-2029 წლების მიზნები:
- სერტიფიცირებული ორგანული სახნავი მიწის ფართობის გაზრდა 200 000 ჰექტარამდე (3-ჯერ გაზრდა);
- სოფლის მეურნეობის მთლიან მოცულობაში ორგანული წარმოების წილის 25%-მდე გაზრდა;
- საექსპორტო ბაზრების გაფართოება და ორგანული ექსპორტის წილის 25%-მდე გაზრდა.
ძირითადი ღონისძიებები:
→ საპილოტე პროექტის განხორციელება ისიკ-კულისა და ნარინის რეგიონების სრულად ორგანულ მეურნეობაზე გადასვლის მიზნით;
→ ფართომასშტაბიანი საინფორმაციო კამპანია ორგანული წარმოების სარგებლობის შესახებ;
→ ორგანული პროდუქტების გადამუშავებისა და ლოჯისტიკის სისტემის შემუშავება;
→ ორგანული პროდუქტების სერტიფიცირების ლაბორატორიების შექმნა;
→ სამეცნიერო კვლევების ჩატარება და მოწინავე ტექნოლოგიების დანერგვა.
