უკრაინის ბოსტნეულის უმსხვილესი საექსპორტო ბაზარი 2023 წელს ევროპა იყო, რომელსაც მთლიანი ბოსტნეულის ექსპორტის 95,1% უკავია. 95,1%-დან ევროკავშირზე მოდის ექსპორტის 65,5%. გარდა ამისა, ახლო აღმოსავლეთი სიდიდით მეორე მაკრორეგიონია უკრაინიდან ექსპორტის მხრივ 2,2%-ით.
ეს მონაცემები შეტანილია „უკრაინის სოფლის მეურნეობის ექსპორტის პორტფოლიოს“ მეშვიდე გამოცემაში, რომელიც მომზადებულია უკრაინის აგრობიზნესის კლუბის (UCAB) მიერ უკრაინის ეკონომიკის სამინისტროსა და უკრაინის აგრარული პოლიტიკისა და სურსათის სამინისტროს მხარდაჭერით.
პუბლიკაცია შეიცავს 2023 წლის ექსპორტის შედეგებს და იძლევა წარმოდგენას უკრაინის სოფლის მეურნეობის ექსპორტის მიღწევებზე წლის განმავლობაში, განმარტავს AgroTimes.
უკრაინიდან ხილის ექსპორტის დიდი მოცულობა ასევე მოდის ევროპაზე – 75,5%. აქაც ევროკავშირის წილი მნიშვნელოვანია – 71,9%.
2023 წელს უკრაინამ დაამყარა ისტორიული რეკორდი მოცვის ექსპორტში, პირველად გაიტანა რა 4 ათას ტონაზე მეტი ახალი მოცვი უცხოურ ბაზრებზე. ბაზრის მონაწილეებისთვის, ექსპორტის ეს მაჩვენებელი დიდი სიურპრიზი იყო უკრაინის წინააღმდეგ მიმდინარე რუსული სამხედრო აგრესიის და უკრაინელი ექსპორტიორების წინაშე არსებული უზარმაზარი ლოგისტიკური სირთულეების გათვალისწინებით, პოლონელი ფერმერების ან სატვირთო გადამზიდავების მიერ უკრაინასთან საზღვრების გადაკეტვის გამო.
შედეგად, 2023 წელს მოცვის ექსპორტი უკრაინიდან პოლონეთში 39%-ით შემცირდა, მაგრამ უკრაინული მოცვის ექსპორტი გერმანიაში, რომელიც, სხვათა შორის, პოლონური მოცვის მთავარი ბაზარია, 18-ჯერ გაიზარდა!
საგრძნობლად გაიზარდა უკრაინული მოცვის ექსპორტი ჰოლანდიაშიც – 37%-ით, ხოლო ესპანეთში და ევროკავშირის რიგ სხვა ქვეყნებში 4-ჯერ და მეტით. გარდა ამისა, 11%-ით გაიზარდა მოცვის ექსპორტი უკრაინიდან დიდ ბრიტანეთში, რომელიც იყო ოთხი ძირითადი ბაზრიდან ერთ-ერთი.
