ჩილეს დედაქალაქ სანტიაგოში გამართულ, IDF-ის 2025 წლის მსოფლიო რძის სამიტზე, რძის პოპულარიზაციის, ივ ბუტონას საერთაშორისო ჯილდო დანიას გადაეცა, კამპანიისთვის „Think Dairy“.
რძის საერთაშორისო ფედერაცია (IDF) და რძის საერთაშორისო პოპულარიზაციის ჯგუფი (IMP) სიამოვნებით აცხადებენ, რომ დანია რძის პოპულარიზაციის, ივ ბუტონას საერთაშორისო ჯილდოს, 2025 წლის გამარჯვებული გახდა.
დანიას ჯილდო გადაეცა IMP-ის 60 წლის იუბილესადმი მიძღვნილ ღონისძიებაზე, რომელიც ჩილეს დედაქალაქ სანტიაგოში, IDF-ის 2025 წლის მსოფლიო რძის სამიტზე გაიმართა.
წლევანდელმა კონკურსმა რძის რეკლამირების სფეროში, განსაკუთრებული ინოვაციები და მარკეტინგული კომუნიკაციები წარმოაჩინა. ფინალში კანადამ, შვეიცარიამ და დანიამ თავიანთი კამპანიებიმ რძის ინდუსტრიის ლიდერების საერთაშორისო აუდიტორიას წარუდგინეს.
2025 წლის ფინალისტები იყვნენ:
- კანადა – „ფერმის ეკოლოგიის უნიკალური გეგმები“, წარმოდგენილი პამელა ნალევეიეკის მიერ;
- შვეიცარია – „არა მხოლოდ თამაში, არამედ რძით თანამშრომლობა“, წარმოდგენილი სტეფან არნოლდის მიერ;
- დანია – „იფიქრე რძეზე“, წარმოდგენილი ანზე კოხ რასმუსენის მიერ.
მკაცრი შერჩევის პროცესის შემდეგ, დანიის კამპანია „იფიქრე რძეზე“ აღიარებული იქნა მისი კრეატიულობის, გავლენისა და რძის პოზიტიური და ინოვაციური გზით პოპულარიზაციისთვის.
რძის საერთაშორისო პოპულარიზაციის (IMP) ჯგუფი წარმოადგენს IDF-ის მარკეტინგის მუდმივმოქმედი კომიტეტის მუდმივ სამუშაო ჯგუფს და მოიცავს დაახლოებით 20 წევრ ორგანიზაციას, რომლებიც ჩართულნი არიან რძის პროდუქტების ზოგად მარკეტინგში.
წყარო: DairyNews.today
