პროგრამით „განახლებული რეგიონები“ ლენტეხის ცენტრალური ორი ქუჩის განახლების სამუშაოები დაფინანსდა.
„დასრულებულია პირველი ფაზის სამუშაოები ლენტეხში, სადაც აქტიურად მიმდინარეობს „განახლებული რეგიონების“ პროგრამა. ქვემო სვანეთში, ლენტეხის ცენტრალური არეალი ყველა თავისი კომპონენტით პასუხობს განახლებას.
სამუშაოები მოიცავს მოედანს, სხვადასხვა შენობა-ნაგებობას. მიმდინარეობს კულტურის ცენტრის სრული რეაბილიტაცია, რომელიც ხელოვნების სხვადასხვა დარგის მიმართულებით გაკვეთილების ჩატარების შესაძლებლობას იძლევა.
ასევე, კეთდება სააქტო დარბაზი, გრძელდება შესაბამისი ინფრასტრუქტურული ელემენტების მოწესრიგება, მათ შორის სანიაღვრეების და რეკრეაციული სივრცეების.
აღნიშნული პროცესი უკვე მეორე ფაზის სამუშაოების ფარგლებში გრძელდება, რომელიც ასევე შემოდგომაზე დასრულდება,“ – განაცხადა რეგიონული განვითარებისა და ინფრასტრუქტურის მინისტრმა ირაკლი ქარსელაძემ პროგრამა „განახლებული რეგიონების“ ფარგლებში ქვემო სვანეთში მიმდინარე სამუშაოების დათვალიერებისას
სამუშაოები მოიცავს 11 შენობის და პარკის რეაბილიტაციას, რომლიც ღირებულება 1.5 მილიონ ლარზე მეტია, პროგრამიდან გაცემული დაფინანსებით, ლენტეხის მუნიციპალიტეტი თავად აწარმოებს კულტურის სახლის რეკონსტრუქციის პროექტს, რომლის ღირებულება 2.1 მილიონ ლარზე მეტია
რეგიონული განვითარებისა და ინფრასტრუქტურის სამინისტრო ლენტეხის მუნიციპალიტეტში, ევროკავშირის დახმარებით, საპილოტე რეგიონების პროგრამის ფარგლებში, მნიშვნელოვანი ტურისტულ და რეკრეაციულ სივრცესაც აწყობს.
წყარო: რეგიონული განვითარებისა და ინფრასტრუქტურის სამინისტრო.
