უკრაინაში მუშაობა დაიწყო პროექტმა Open Agri Club, რომლის მიზანია მცირე და საშუალო ზომის სოფლის მეურნეობის მწარმოებლებისთვის ეფექტურობისა და მომგებიანობის გაზრდა.
პროექტი ეხება ფერმერებს რომელთა მიწის საშუალო ფართობი 500 ჰექტარია და რომლებიც მარცვლეულისა და ზეთოვანი კულტურების მოყვანით არიან დაკავებულნი.
ინიციატივა განხორციელდა აგროსამრეწველო კომპანია Kernel-ისა და კომპანია DEG Impulse-ის მხარდაჭერით, დაფინანსებულია გერმანიის ეკონომიკური თანამშრომლობისა და განვითარების ფედერალური სამინისტროს (BMZ) მიერ develoPPP პროგრამის ფარგლებში.
პროექტის მიზანია, დაეხმაროს სოფლის მეურნეობის მწარმოებლებს თანმედროვე სასოფლო-სამეურნეო პრაქტიკის დანერგვაში, ბიზნეს უნარების განვითარებაში და რესურსებზე, რჩევებსა და ტექნოლოგიებზე წვდომის გაუმჯობესებაში.
ინიციატივა იწყება უკრაინის ხუთი რეგიონით – კიევი, ხმელნიცკი, ვინიცა, ჟიტომირი და კიროვოგრადი და იგეგმება მისი ყველა რეგიონზე გავრცელება. პროექტში მონაწილეობა უფასოა.
პროგრამა ასევე მოიცავს საგანმანათლებლო ღონისძიებების სერიას და Kernel-ის პარტნიორულ მხარდაჭერას.
Open Agri Club არის პლატფორმა, რომელიც აერთიანებს ფერმერებს, აგრობიზნესს და კვლევით დაწესებულებებს, რათა ერთად იმუშაონ სოფლის მეურნეობის წარმოებასა და სასოფლო-სამეურნეო პროდუქტების რეალიზაციაში ინოვაციების დანერგვაზე.
პროექტის ფარგლებში მონაწილეებს შეეძლებათ შემდეგი სერვისებით სარგებლობა:
- ბუღალტრული აღრიცხვის, იურიდიული და მიწის მართვის კონსულტაციები;
- აგრონომიული მხარდაჭერა თანმიმდევრულობასა და მომგებიანობაზე აქცენტით;
- ლოიალობის პროგრამებში მონაწილეობის დამატებითი შესაძლებლობა;
- ნიადაგის ანალიზი;
- საგანმანათლებლო სემინარებში, ტრენინგებსა და საველე დღეებში მონაწილეობა.
წყარო: agrotimes.ua
