მსოფლიოს სხვადასხვა კუთხეში არსებულ მრავალ ბაზარს აქვს ხახვზე ძალიან მაღალი ან ისტორიულად მაღალი ფასები.
ეს გამოწვეულია რამდენიმე ფაქტორით, დეფიციტი გამწვავდა ხახვის ექსპორტის აკრძალვით ტრადიციულად დიდი ექსპორტიორი ქვეყნებიდან ინდოეთიდან და ეგვიპტიდან.
ამის შესახებ ნათქვამია FreshPlaza ხახვის ბაზრის მიმოხილვაში.
აღნიშნულია, რომ ევროპელმა იმპორტიორებმა, ინდოეთიდან და ეგვიპტიდან შეზღუდვების და ევროპის უმეტეს ქვეყნებში წარმოების შემცირების ფონზე, ხახვის საყიდლად ჩინეთს მიმართეს. თუმცა, წითელ ზღვაში არსებული მდგომარეობა ჩინეთიდან მიწოდებას აჭიანურებს.
იმპორტიორები კმაყოფილნი არიან ევროპიდან მოთხოვნის მნიშვნელოვანი ზრდით, მაგრამ ჩინეთში სიფრთხილეს იჩენენ მიწოდების ზემოთ აღნიშნული სირთულის გამო. ბოლო ექვსი თვის განმავლობაში ჩინეთში ფასები თითქმის 30%-ით გაიზარდა.
მცირე მოსავლის გამო, გერმანიაში მაღალი ფასებია შიდა და ესპანეთიდან შემოტანილ ხახვზე. მაღალი ფასების გათვალისწინებით, ესპანელი მწარმოებლები წელს წარმოების გაფართოებას აპირებენ. იტალიას ძალიან მაღალი ფასებით რთული სიტუაცია აქვს ხახვის ბაზარზე.
ავსტრიულ ხახვზე ფასებმა მატება დაიწყო, თუმცა საექსპორტო ინტერესსაც ხედავენ. დანია ხედავს გაზრდილ მოთხოვნას დანარჩენი ევროპიდან, მაგრამ ვერ ახერხებს სრულად დააკმაყოფილოს დამატებითი შეკვეთები. ნიდერლანდებიდან ექსპორტიორები ამბობენ, რომ ქვეყანაში ფასების ფონზე რთულია ხახვის მსოფლიო ბაზარზე კონკურენცია.
იხილეთ აგრეთვე: თავიანი ხახვის მოვლა-მოყვანა
