აშშ-ის სოფლის მეურნეობის დეპარტამენტის ივლისის ანგარიშში, მსოფლიოს წამყვანი სოიას (სოიოს) მწარმოებლებისთვის მნიშვნელოვანი სიურპრიზები არ ყოფილა. უკრაინა რეკორდულ მოსავალს ელის.
ივლისის WASDE-ში (USDA-ს – ყოველთვიური ანგარიში) 2025/26 მარკეტინგული წლისთვის გლობალური სოიოს წარმოების პროგნოზი 427.7 მილიონ ტონამდეა გაზრდილი (ივნისთან შედარებით 0.86 მილიონი ტონა).
ყველაზე დიდი სიურპრიზი უკრაინა იყო, სადაც წარმოება მკვეთრად გაიზარდა 1 მილიონი ტონით და 7.6 მილიონ ტონამდე ავიდა. ეს არა მხოლოდ წინა პროგნოზზე მაღალია, არამედ გასული სეზონის რეკორდსაც (7 მილიონი ტონა) აჭარბებს. ცვლილება ასახავს მთავრობის მონაცემებს დარგვის მაჩვენებლების შესახებ, სადაც მოსალოდნელზე მაღალია ნათესი ფართობები.
ამავდროულად, აშშ-ში წარმოების პროგნოზი ოდნავ შემცირდა 118 მილიონ ტონამდე (-0.14 მილიონი ტონა მ/მ), ხოლო ბრაზილიისა და არგენტინის შეფასებები უცვლელი დარჩა, შესაბამისად, 175 მილიონი ტონა და 48.5 მილიონი ტონა.
გლობალური ექსპორტის პროგნოზი შემცირდა 187.6 მილიონ ტონამდე (-0.8 მილიონი ტონა მ/მ), ძირითადად აშშ-ში ექსპორტის 1.9 მილიონი ტონით შემცირებით 47.5 მილიონ ტონამდე. ეს ნაწილობრივ კომპენსირებული იყო უკრაინის (+0.6 მილიონი ტონა 4.2 მილიონ ტონამდე) და არგენტინის (+0.5 მილიონი ტონა 5 მილიონ ტონამდე) უფრო მაღალი შეფასებებით.
სოიას გლობალური შიდა მოხმარება 2025/26 მ.წ. გაიზარდა 1 მილიონი ტონით 425.2 მილიონ ტონამდე, მათ შორის აშშ-სთვის გადახედვის გამო (+1.36 მილიონი ტონა 72.1 მილიონ ტონამდე). თუმცა, ინდოეთისა და მექსიკის შეფასებები ოდნავ შემცირდა.
ახალი სეზონისთვის გლობალური სოიას მარაგი 126.07 მილიონ ტონამდე გაიზარდა (ივნისის 125.3 მილიონი ტონიდან), თუმცა ეს მაჩვენებელი ბაზრის საშუალო მოლოდინებზე დაბალია. ყველაზე დიდი ზრდა ბრაზილიაში (+2.6 მილიონი ტონა 36.9 მილიონ ტონამდე) და არგენტინაში (-0.5 მილიონი ტონა 24.9 მილიონ ტონამდე) დაფიქსირდა.
ექსპორტის შესუსტების, მარაგების ზრდისა და ბრაზილიის, აშშ-სა და არგენტინის პროგნოზების მცირე ცვლილების გამო, ანგარიშმა ბაზრის საერთო განწყობა არ შეცვალა.
წყარო: asapagri.com
