დიდ ბრიტანეთში შოკოლადის ფასი იზრდება

დიდ ბრიტანეთში შოკოლადის ფასები 2025 წლის მაისში რეკორდულად სწრაფი ტემპით გაიზარდა. საკვების ფასების საერთო ზრდა კვლავ გრძელდება.

BBC-ის ცნობით, დიდ ბრიტანეთში საკვების ფასები ზედიზედ სამი თვეა იზრდება, 2025 წლის მაისში 4.4%-იანი ზრდა გასული წლის თებერვლის შემდეგ ყველაზე მაღალი მაჩვენებელია. ინფლაცია მაისამდე 3.4%-ზე დარჩა, რაც ერთ წელზე მეტი ხნის განმავლობაში ყველაზე მაღალი მაჩვენებელია.

ეროვნული სტატისტიკის ოფისის (ONS) ინფორმაციით, მაისში ფასების ზრდის საერთო ტემპი აპრილის ანალოგიური იყო.

ONS-ის მონაცემებით, შოკოლადის ფასი მაისამდე წლიურად 17.7%-ით გაიზარდა – ეს ყველაზე მკვეთრი ზრდაა 2016 წლის შემდეგ, როდესაც ამ ჩანაწერების წარმოება დაიწყო.

შოკოლადის ფასები ზრდის ფაქტორია უამინდობაც, რომელმაც გავლენა მოახდინა მოსავალზე, კაკაოს მწარმოებელ რეგიონებში, როგორიცაა განა და კოტ-დ’ივუარი.

„ეს ორი ქვეყანა მსოფლიოში კაკაოს ნახევარზე მეტს აწარმოებს“, – თქვა ჯონათან პარკმანმა, კომპანია Marex-ის სოფლის მეურნეობის მიმართულების ხელმძღვანელმა.