2025 წლის 1 აგვისტოდან 28 სექტემბრის ჩათვლით საქართველოდან ექსპორტირებულია 2.9 ათასი ტონა თხილი, საერთო ღირებულებით 24.7 მილიონი აშშ დოლარი.
წინა წლის ანალოგიურ პერიოდთან შედარებით, ექსპორტის ღირებულება 36%-ით, 6.6 მილიონი აშშ დოლარით გაიზარდა. აღნიშნულ პერიოდში 1 კგ თხილის საშუალო საექსპორტო ფასი 8.46 აშშ დოლარს შეადგენს, რაც 39%-ით აღემატება გასული წლის ანალოგიური პერიოდის მაჩვენებელს.
ექსპორტის ძირითადი ბაზარი ევროკავშირის ქვეყნებია, სადაც ყველაზე დიდი მოცულობით თხილი იტალიაში გავიდა, 1000 ტონა. ევროკავშირის ბაზრებიდან ასევე მნიშვნელოვან პარტნიორებად რჩებიან გერმანია 302.1 ტონა, ესპანეთი 197.0 ტონა და ჩეხეთი 119.4 ტონა.
გარდა ევროკავშირის ქვეყნებისა, ქართული თხილი გაიყიდა სომხეთში 119.7 ტონა, რუსეთში 117.5 ტონა, თურქეთში 111.2 ტონა და სხვა ბაზრებზე.
იხილეთ აგრეთვე: რა უნდა ვიცოდეთ თუ თხილის ბაღის გაშენება გვინდა
