თელავის მუნიციპალიტეტში, ნაურდლის სარწყავი სისტემის I, II და III რიგის წყალგამანაწილებელი არხების რეაბილიტაცია მიმდინარეობს.
სამუშაოების ფარგლებში მოეწყობა 15 კმ-მდე სიგრძის დახურული ქსელი და სხვადასხვა ტიპის ჰიდროტექნიკური ნაგებობა.
პროექტის ღირებულება 6,5 მლნ ლარია.
ჩატარებული სამუშაოების შედეგად, წყალუზრუნველყოფილი გახდება სოფელ ფშაველის 480 ჰექტარი სასოფლო-სამეურნეო მიწის ფართობი.
სამუშაოები 2024 წლის მარტში დასრულდება.
სარწყავ სისტემაზე მიმდინარე სამუშაოები საქართველოს მელიორაციის გენერალურმა დირექტორმა, თამაზ მღებრიშვილმა დაათვალიერა და ადგილობრივ მოსახლეობას შეხვდა.
დღეის მდგომარეობით, კახეთში 55,1 მლნ ლარის ღირებულების 17 სარეაბილიტაციო პროექტი მიმდინარეობს, რომელთა დასრულების შემდეგ, 6000 ჰექტარი სასოფლო-სამეურნეო მიწის ფართობის რეგულარულად მორწყვა გახდება შესაძლებელი.
