ინდოეთის მთავრობამ ექვსწლიანი პროგრამა Pulses Mission 2031 დაამტკიცა, რომლის მიზანია პარკოსნების წარმოებაში სრული თვითკმარობის მიღწევა და მოსახლეობის კვების გაუმჯობესება.
ინიციატივის მიზანია მოსავლიანობის გაზრდა, კულტივირებული ფართობების გაფართოება და ფერმერების მხარდაჭერა ინოვაციური სასოფლო-სამეურნეო ტექნოლოგიების მეშვეობით.
მიუხედავად იმისა, რომ ინდოეთი მსოფლიოში პარკოსნების უდიდესი მწარმოებელი და მომხმარებელია, ის მზარდი იმპორტის წინაშე დგას, რომელიც ბოლო წლებში თითქმის გაორმაგდა. შიდა წარმოება ვერ აჰყვა მოთხოვნის სწრაფ ზრდას, რაც განპირობებულია შემოსავლებისა და ცხოვრების დონის ზრდით. ეს ზეწოლას ახდენს შიდა ბაზრებზე და ზრდის დამოკიდებულებას იმპორტირებულ მარაგებზე.
Pulses Mission 2031 მიზნად ისახავს ამ სიტუაციის მოგვარებას მეთესლეობაში ინვესტირებით, სარწყავ სისტემების განვითარებაში და ლოჯისტიკის გაუმჯობესებით. მთავრობა ასევე გეგმავს ადაპტირებუი ჯიშებისა და გვალვაგამძლეობის კვლევების გააქტიურებას, რაც განსაკუთრებით მნიშვნელოვანია კლიმატური გამოწვევების გათვალისწინებით.
სასაქონლო ბაზრის ცნობილმა ანალიტიკოსმა გ. ჩანდრაშეხარმა ინტერვიუში აღნიშნა, რომ მისიის წარმატება დამოკიდებული იქნება მდგრად პოლიტიკურ მხარდაჭერაზე, დაფინანსებასა და სახელმწიფო და კერძო სექტორის პარტნიორობაზე. მან განაცხადა, რომ თუ ინიციატივა სწორად განხორციელდება, 2031 წლისთვის, ინდოეთს შეუძლია სრულად დააკმაყოფილოს პარკოსნებზე საკუთარი მოთხოვნები.
წყარო: ukragroconsult
