დიდი ბრიტანეთის რძის ინდუსტრია, რძის ფერმების საერთო რაოდენობის შემცირების მიუხედავად გამსხვილებისკენ აგრძელებს სვლას.
სოფლის მეურნეობისა და მებაღეობის განვითარების საბჭოს (AHDB) მონაცემებით, ქვეყანამ ბოლო ერთი წლის განმავლობაში თითქმის 200 რძის ფერმა დაკარგა. 2025 წლის აპრილის მონაცემებით, რძის მწარმოებლების რაოდენობა 7,040-ია, 160-ით ნაკლებია ოქტომბერთან შედარებით და 190-ით ნაკლები (-2.6%) წინა წელთან შედარებით.
ბაზრიდან გასვლის უმეტესობა ზამთრის თვეებში მოხდა, რასაც ექსპერტები სეზონური ხარჯების ზრდას და ინდუსტრიის უფრო მკაცრ მოთხოვნებს მიაწერენ.
ამავდროულად, ფერმების რაოდენობის შემცირების მიუხედავად, ფერმაში რძის წარმოების მოცულობა იზრდება. საწარმოებში რძის საშუალო წლიურმა მოცულობამ 1.77 მილიონ ლიტრს მიაღწია, რაც გასულ წელთან შედარებით 4%-ით მეტია. ეს მსხვილი საწარმოების კონსოლიდაციისა და ზრდის ტენდენციაზე მიუთითებს.
დიდი ბრიტანეთის ფერმებში ნახირთა საშუალო რაოდენობა ასევე გაიზარდა 165 სულამდე.
2025/26 წლების რძის წლის პროგნოზებიც ადასტურებს ზრდის ტენდენციას, მოსალოდნელია რეკორდული წარმოება 12.83 მილიარდი ლიტრის ოდენობით, რაც წინა სეზონთან შედარებით 3.1%-ით მეტია.
აქტიური მწარმოებლების ზუსტი რაოდენობა ჩანაწერების წარმოების ბუნებიდან გამომდინარე გაურკვეველი რჩება: ბევრი ფერმერი ბაზარს, საქმიანობის შეწყვეტის შესახებ ოფიციალური რეგისტრაციის გარეშე ტოვებს.
დიდი ბრიტანეთის სურსათის სტანდარტების სააგენტო უზრუნველყოფს მონიტორინგის სისტემას, თუმცა წარმოების ნებაყოფლობით გასვლის შემთხვევები შეტყობინების გარეშე ოფიციალურ სტატისტიკას მიღმა რჩება.
წყარო: dairynews.today
