ჩინელები ყაზახეთში ტრაქტორების ასაწყობ ქარხანას აშენებენ

ყაზახეთში ტრაქტორების, მისაბმელებისა და ასევე QILU Agro LLC-ის სარწყავი სისტემების ასაწყობი ქარხანა აშენდება. ობიექტი პეტროპავლოვსკში განთავსდება.

ამის შესახებ ინფორმაციას Qazaqstan Media ავრცელებს.

პროექტის საწყისი ინვესტიცია 2 მილიარდი ტენგეს (დაახლოებით 3.8 მილიონი აშშ დოლარი) ოდენობითაა დაგეგმილი. საბოლოოდ ქარხნის სიმძლავრე წელიწადში 1000 ერთეულს მიაღწევს და ის 50 მუდმივ თანამშრომელს დაასაქმებს.

„ქარხანა ტრაქტორების ფართო ასორტიმენტს აწარმოებს. ესენია დაბალი სიმძლავრის ტრაქტორები, მინი ტრაქტორები, მოტობლოკები და თვითმავალი შასები 101-104 ცხენის ძალით; საშუალო სიმძლავრის ტრაქტორები უნივერსალური სპეცტექნიკა 22-75 ცხენის ძალით და მძიმე სატვირთო ტრაქტორები 75 ცხენის ძალით“, – განაცხადა მეწარმეობისა და სამრეწველო ინოვაციების დეპარტამენტის უფროსის მოადგილემ.

ქარხნის გახსნა წლის ბოლომდეა დაგეგმილი.