2025 წლის იანვარ-მაისში უზბეკეთმა ექსპორტზე 6 832 ტონა გარგრის ჩირი გაიტანა, რაც სულ 10.6 მილიონი დოლარის ღირებულებისაა.
ამის შესახებ უზბეკეთის რესპუბლიკის, ეროვნული სტატისტიკის კომიტეტის მიერ გამოქვეყნებული მონაცემები მოწმობს.
ექსპორტის მოცულობა გასული წლის ანალოგიურ პერიოდთან შედარებით 1 800 ტონით გაიზარდა, რაც 36%-იან ზრდას შეესაბამება.
როგორც UzDaily.uz წერს, მიმდინარე წლის პირველი ხუთი თვის განმავლობაში, გარგარის ჩირის ძირითადი საექსპორტო მიმართულებები იყო:
- ყაზახეთში 1 792 ტონა;
- ჩინეთში 1 078 ტონა;
- თურქეთში 1 023 ტონა;
- რუსეთში 902 ტონა;
- ბელარუსში 487 ტონა.
დარჩენილი მოცულობა 1 550 ტონა, სხვა ქვეყნებში გაიგზავნა.
