ეკომიგრანტებს-ფიტარეთის სამონასტრო კომპლექსთან გზა აღუდგებათ

49 Views Comment Off

ბოლნისის მუნიციპალიტეტის სოფელ ტანზიის და თეთრიწყაროს მუნიციპალიტეტის სოფელ ალექსეევკას ეკომიგრანტ მოსახლეობას ფიტარეთის სამონასტრო კომპლექსთან და საკუთარ საკარმიდამო ნაკვეთებთან მისასვლელი ხიდები და გზები აღუდგებათ.

ბოლნისის მუნიციპალიტეტის მხრიდან  იგეგმება ტანძიის ხიდის, ასევე მისასვლელი გზის მშენებლობა და ფიტარეთის სამონასტრო კომპლექსის რეაბილიტაცია. სამუშაოებს რეგიონული განვითარებისა და ინფრასტრუქტურის სამინისტრო უზრუნველყოფს, პროექტის ღირებულება 700 ათასი ლარს შეადგენს და პროექტი 2016 წელს განხორციელდება.

,,უკვე დადასტურებულია, რომ ბოლნისის მხრიდან ტანძიის ხიდის და ფიტარეთის სამონასტრო კომპლექსამდე მისასვლელი გზის სარეაბილიტაციო სამუშაოები ჩატარდება, ამით მოსახლეობას საშუალება მიეცემა საკუთარი სახნავ-სათესი მიწები სრულფასოვნად გამოიყენონ, ხოლო კულტურული მემკვიდრეობის ძეგლამდე  კი რეაბილიტირებული გზა  ტურისტებს მისვლას გაუიოლებს. ჯერჯერობით უცნობია როდის დაიწყება პროექტი, თუმცა 2016 წლის ბიუჯეტში გათვალისწინებული ნამდვილად იქნება“, — განაცხადა ბოლნისის მუნიციპალიტეტის გამგებლის პირველმა მოადგილემ დავით შერაზადაშვილმა.

თეთრიწყაროს მუნიციპალიტეტის მხრიდან კი ფიტარეთამდე მისასვლელი გზის და ხიდის რეაბილიტაცია უკვე დაწყებულია. ამჟამად ქალაქის ცენტრიდან სოფელ ალექსეევკამდე მისასვლელი  8 კილომეტრიანი გზის რეაბილიტაცია მიმდინარეობს, რომელისაც საავტომობილო გზების დეპარტამენტი უზრუნველყოფს. პროექტში თეთრიწყაროს ნაკრძალამდე მისასვლელი გზაც მოხვდა.

აღნიშნული პროექტის განხორციელების წინადადება  კავკასიის გარემოსდაცვითი არასამთავრობო ორგანიზაციების ქსელის (CENN) ინიციატივით, ჯერ კიდევ გასულ წელს გადაეგზავნა რეგიონული განვითარების სამინისტროს  წერილობითი წინადადება.

პროექტის განხორციელებას  ორივე მუნიციპალიტეტისთვის საკმაოდ დიდი მნიშვნელობა აქვს,  ერთის მხრივ ეკომიგრანტ მოსახლეობას ეძლევა საშუალება მიტოვებული საკარმიდამო ნაკვეთები დაამუშაოს და მეორეს მხრივ ტურიზმის განვითარებას ეწყობა ხელი.

მონიტორინგი ხორციელდება ,,ეკომიგრაცია–დიალოგი და თანამშრომლობა სამხრეთ კავკასიის ქვეყნებში“ პროექტის ფარგლებში, ევროკავშირის ფინანსური მხარდაჭერით.

CENN

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
გამოიყენეთ ბუნებრივი ანტიბიოტიკები — იყავით ჯამრთელი!
1249 Views

ხშირად გაციების ან სხვა საჭიროების გამო, აუცილებელი ხდება ანტიბიოტიკების გამოყენება. ეს კი იწვევს იმუნიტეტის დაქვეითებას და სასარგებლო ბაქტერიების განადგურებას. შესაძლებლობის ფარგლებში, კარგი იქნება თუ ქიმიურ საშუალებებს ბუნებრივით ჩაანაცვლებთ. წარმოგიდგენთ რამდენიმე

სრულად
სამკურნალო მცენარეები
ზეთისხილი — სამკურნალო მცენარე, რამდენიმე რეცეპტი
1309 Views

ზეთისხილი-ზეთისხილისებრთა ოჯახის წარმომადგენელი, მარადმწვანე 3-7 (12) მ სიმაღლის ხე ან მაღალი ბუჩქია განიერი გადაშლილი ვარჯითა და დაბრეცილი ღერო-ტოტებით. ყლორტებზე ერთიმეორის მოპირისპირედ განლაგებული მოკლეყუნწიანი ტყავისებრი, ლანცეტა ან ოდნავ წაგრძელებული ფოთლები ზემოდან

სრულად
აგროკავკასია FB