პერუს მაღალმთიანეთში მცხოვრები ფერმერები, სარწყავი წყლის მისღებად ნისლს აგროვებენ.
სოფლის მეურნეობის პროდუქტების საწარმოებლად, აქაური ფერმერები ძირითადად კვირაში სამჯერ მოტანილი წყლის იმედად იყვნენ, ეხლა კი თვითონ აგროვებენ წყალს ნისლისგან.
ნისლისგან წყლის მიღების ტექნოლოგია უკვე ნახევარ საუკუნეზე მეტია რაც აქტიურად განიხილება, წარმოიდგინეთ რა ძნელია იყო ფერმერი იქ სადაც არათუ სარწყავი, არამედ სასმელი წყლის დეფიციტია.
ტექნოლოგია მარტივია, მასში გამოიყენება: პოლიმერის ან ლითონის ბადის პანელები, რომლებიც „იჭერენ“ ნისლს, შემდეგ კი წყლის წვეთები ცვივა პანელის ქვემოთ განთავსებულ თავღია მილში, საიდანაც ის გროვდება ჭურჭელში.
ცდებმა აჩვენა, რომ ამ ტექნოლოგიით წყლის მისაღებად, ყველაზე ეფექტური უჟანგავი ლითონის მავთულის (ადამიანის თმაზე 3-4 ჯერ მსხვილი) ბადეებია, რადგან წვეთები ადვილად სცილდება მავთულის ზედაპირს და ცვივა მილში.
პერუელი ფერმერები ბადე-პანელების გამოყენებით, დღეში ცისტერნებში აგროვებენ 200-400 ლიტრ წყალს, შემდეგ რწყავენ საკუთარ ბოსტნებს, რომლებიც განლაგებული შემგროვებელი სისტემების ქვევით.
ამ ტექნოლოგიის გამოყენება ყველგან შეიძლება, სადაც ნისლია და წყლის ნაკლებობა.
