ეზოს ყვავილები და სხვა მცენარეები, რომლებიც ღია გრუნტზე (ეზოში) გვაქვს, ზამთარში გარკვეულ მოვლას ითხოვენ.
როდესაც ტემპერატურის ვარდნა მოსალოდნელია -2-10°С გრადუსამდე, საჭიროა ვიზრუნოთ მათ შეფუთვაზე.
გთავაზობთ ყველაზე ადვილ და იაფ მეთოდს.
ბუჩქს მოაცილეთ ფოთლები და მისგან 20-25 სმ მოშორებით (გარშემო), გააკეთეთ კარკასი ხით, პლასტიკატით, ან მსგავსი მასალებით (ლითონი არ არის რეკომენდირებული, რადგან სიცივეს იზიდავს, თუმცა უკიდურეს შემთხვევაში იყენებენ ლითონის ბადეს).
კარკასის სიმაღლე უნდა აღემატებოდეს მცენარის სიმაღლის 10-15 სმ-ით. კარკასი აავსეთ, ჩამოყრილი ფოთლებით.
ფოთლები აუცილებლად მშრალი უნდა იყოს.
შეგიძლიათ მიწაში მყარად ჩაარჭოთ რამდენიმე ჭიგო (მცირე ბოძი, ხარდანი, ჯოხი) და გარშემო შემოავლოთ რაიმე სახის ბადე და აავსოთ ჩამოყრილი ფოთლებით.
იხილეთ ფოტო.
შეფუთვა სასურველია მოიხსნას სტაბილური +ტემპერატურის დროს.
