უნგრეთში მუშახელის ნაკლებობის გამო მოსავალს ვერ იღებენ

146 Views

უნგრეთში მოსავლის ასაღებად მუშახელი არ ყოფნით. ამ დროისთვის მინიმუმ 50 000 ადამიანის ნაკლებობაა ქვეყანაში, აცხადებს ხილის და ბოსტნეულის გადამამუშავებელთა ორგანიზაციის (FruitVeB) ხელმძღვანელი-ფერენც ლედო.

ხილი და ბოსტნეული უნგრეთში მაისიდან-ოქტომბრის ჩათვლით მოჰყავთ, მაგრამ მოსავლის აღება ხშირ შემთხვევაში 2-3 დღის განმავლობაში უნდა მოხდეს, შესაბამისად მოკლე დროში საჭირო რაოდენობის მუშახელის გამოძებნა დიდი პრობლემაა.

ადრე მოსავლის აღებაში ჩართული იყვნენ სტუდენტები, წელსაც არიან ახალგაზრდები ჩართული აგრარული სექტორში დროებით სამუშაოებზე, თუმცა ეს საკმარისი არ არის.

ფერენც ლედოს თქმით გამოსავალი მუშახელისთვის ანაზღაურების გაზრდაში ან მოსავლის აღების ავტომატიზაშია, თუმცა ამგვარ ხარჯებზე უნგრეთში ბევრი ვერ წავა.

პრობლემის კიდევ ერთი გადაწყვეტა, უცხოელი სეზონური მუშახელის დაქირავებაა, მაგალითად ესპანეთში ყოველწლიურად 300 000 აფრიკელია დასაქმებული-სეზონურ სამუშაოებზე, პოლონეთში კი მოსავლის აღების პერიოდში უკრაინელები ჩადიან.

უნგრეთში, ბოლო პერიოდში სეზონურ სამუშაოებზე უცხოელთა მოწვევაც გართულდა, ამის ერთ-ერთი მიზეზი ხელისუფლების ანტიიმიგრაციული პოლიტიკაა.

Related Articles

კარტლისი – აგროტექნოლოგიები
სტარტაპერი
ბიოაგრო
ორგანული, ბიო, აგრო
თქვენი რეკლამა
Georgian Dairy
აგრარული საქართველო
აგრარული, საქართველო
აგროკავკასია FB