ფერმერის ცნობარი-ქოლგოსანთა დაავადებები-პროფილაქტიკა და დაცვა

114 Views Comment Off

სტაფილო, ისევე როგორც სხვა ძირხვენები, ავადდება სხვადასხვა სიდამპლეებით (თეთრი, ნაცრისფერი, შავი, წითელი და მშრალი)

სტეფტორიოზი
დაავადება აზიანებს ოხრახუშისა და ნიახურის მიწისზედა ნაწილს. ფოთლებზე და ფესვის ყელთან, თავდაპირველად ჩნდება მცირე ზომის მოთეთრო-მონაცრისფერო ლაქები, ხანდახან — მუქი სარტყლით. ფოთლები ყვითლდება და ხმება, ინფექცია გადადის მცენარეულ ნარჩენებზე და რიგ შემთხვევებში — თესლზეც. 
პროფილაქტიკა და დაცვა
საჭიროა თესლბრუნვის დაცვა, ხარისხიანი სერტიფიცირებული თესლის შერჩევა, თესვამდე ცხელი წყლით (48-49 გრადუსი) თესლის დამუშავება 30 წუთის განმავლობაში , შემდგომში გამდინარე ცივ წყალში გაცივებით. მიზანშეწონილია აგროტექნიკის ზუსტი დაცვა, მორწყვის, თესვის, მარგვლის დროული ჩატარება. აუცილებლობის შემთხვევაში, ნიადაგი უნდა გამოკვებოთ აზოტიანი სასუქით, ხოლო შემდეგ გააფხვიეროთ.
რიზოქტინიოზი
ინფექცია აზიანებს სტაფილოს, ჭარხალს, თალგამს, ბოლოკს, ოხრახუშს და სხვა მცენარეებს. დაავადების პირველი ნიშნები შეიმჩნევა ზაფხულის მეორე ნახევრისთვის. სტაფილოსა და ჭარხლის ფესვებზე ჩნდება მონაცრისფრო ტყვიისფერი კანქვეშა ლაქები, რომლებიც შემდგომში მოიისფრო ალუბლისფერი წვრილი შავი წერტილებით იფარება.
ძლიერი დაზიანებების შემთხვევაში, ფოთლები ყვითლდება, ჭკნება და ადრეულად ცვივა. ძირხვენას ქსოვილი კი ლაქების ქვეშ კვდება. რიზოქტონიოზი, მინდორში ჩავარდნილ ადგილებში და მჟავე ნიადაგებში, თავს იჩენს კერების სახით. დაავადება ასევე ვითარდება ზამთარში. ინფექციის წყარო არის ნიადაგი და სოკოს მიერ დაზიანებული მცენარეები.
პროფილაქტიკა და დაცვა
ამისთვის საჭიროა თესლბრუნვის, აგროტექნიკის სწორი დაცვა, დაავადების კერის გამოჩენისთანავე, ნიადაგთან ერთად ძირხვენის მოცილება და განადგურება. სტაფილოს წარმოებისათვის უნდა შეარჩიოთ კარგი წყალგამტარობის მქონე შემაღლებული ნიადაგები. მჟავე ნიადაგები უნდა მოკირიანდეს. სტაფილო შესაძლებელია იგივე ადგილას დაბრუნდეს ოთხი წლის შემდეგ.
ქოლგოსანთა მავნებლები 
სტაფილოს რწყილი აზიანებს სტაფილოს ოხრახუშსა და ნიახურს. მოზრდილი მწერი მოყვითალო მომწვანო ფერისაა. 2 – 2,5 მმ სიგრძის ორი წყვილი ფრთით და უკანა მხტუნავი ფეხებით. მატლი მომწვანო მოყვითალო ფერისაა, ბრტყელი ფორმის, ამობურცული ზურგით, ოდნავ ვერცხლისფერი შეფერილობით. მოზრდილი მწერები იზამთრებენ წიწვოვან ხეებზე.
გაზაფხულზე სტაფილოს აღმონაცენის გამოჩენისას, ისინი გადადიან ფოთლებზე და იწყებენ მცენარის წვენით კვებას. დაზიანებული ადგილები მუქდება და ხმება. წვენის დაკარგვის შედეგად, მცენარის ფოთლები ხუჭუჭდება, ირღვევა ნივთიერებათა ცვლა, ფოთოლი ხმება და ცვივა.
პროფილაქტიკა და დაცვა
ამ მიზნით სასურველია თესლბრუნვის დაცვა — ნიადაგის დროული გაფხვიერება და სარეველების მარგვლა, გამძლეობის ამაღლების მიზნით, გამოკვებისა და რწყვების დროული ჩატარება. სტაფილო უნდა დაირგას აგროტექნიკურ ვადებში, პირველი გამოხშირვა უნდა ჩატარდეს ორი ნამდვილი ფოთლის ფაზაში.რწყილების გამოჩენისთანავე რიგებს შორის უნდა მოიყაროს თამბაქოს მტვერი მდინარის ლამთან ერთად (შეფარდებით — 1:1). შვიდი ათი დღის შემდეგ დამუშავება უნდა განმეორდეს. თამბაქოს მტვერის ნაცვლად შესაძლებელია ნაფტალინის გამოყენება, შეფარდებით — 1:10.მავნებლის მასიური გამოჩენის შემთხვევაში შესაძლებელია გამოიყენოთ რომელიმე ინსექტიციდი აქტელიკი 10 მლ. ათ ლიტრ წყალში , ქრივო — 5 მლ.ყველანაირი წამლობა უნდა შეწყდეს მოსავლის აღებამდე 30 დღით ადრე. როგორც წესი, პირველი წამლობა ტარდება ივლისის დასაწყისში , მეორე — 20 დღის შემდეგ.

სტაფილოს ბუზი

სტაფილოს ბუზი აზიანებს ოხრახუშს და სხვა ქოლგოსნებს, როგორც კულტურულს, ისე სარეველებსაც. იგი გავრცელებულია ყველგან. 4-5 მმ სიგრძის ბრჭყვიალა, შავი ტანი მოყვითალო ჟღალი თავით და ღია ყვითელი ფეხებით. ჭუპრი იზამთრებს ნიადაგში, გამოფრენა იწყება მაის-ივნისში.

მდედრი დებს 120-მდე კვერცხს სტაფილოსთან ახლოს. 1,5 – 2 კვირის შემდეგ, გამოჩეკილი მატლები წვერიდან იჭრებიან ძირხვენებში და აკეთებენ ხვრელებს. დაზიანებულ მცენარეთა ფოთლები იღებენ მოწითალო იისფერ შეფერილობას, ყვითლდებიან და ხმებიან, ძირხვენები კი იღუპებიან.
ეს პროცესი განსაკუთრებით ინტენსიურად მიმდინარეობს ცხელ და გვალვიან ამინდებში. 3-4 კვირის შემდეგ მავნებლები ნიადაგში იჭუპრებიან და ივნისში იწყებენ გამოფენას. შემდეგ ისინი, კვლავ ვითარდებიან ზემოთ აღნიშნული სტადიების შესაბამისად.
პროფილაქტიკა და დაცვა
პროფილაქტიკა და დაცვა მიმდინარეობს სტაფილოს რწყილის წინააღმდეგ ბრძოლის ღონისძიებების ანალოგიურად.
მეურნე
Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
აგროსფერო
კლაასი
თქვენი საეკლამო ბანერი
Georgian Dairy
AgroPlus
მარანში ტემპერატურის რეგულირების ზოგიერთი საკითხი
2381 Views

პრობლემატური საკითხიდან გამომდინარე გვინდა, ორიოდე სიტყვით მოგახსენოთ ჩვენი მოსაზრება იმ საგნის შესახებ, რასაც მარანში ჰაერის

სრულად
სამკურნალო მცენარეები
კუნელი — სამკურნალო მცენარე, რამდენიმე რეცეპტი
1450 Views

კუნელის (ლათ. Crataegus; რუს. Боярышник) მრავალი სახეობა არსებობს. ამათგან სამკურნალოდ იყენებენ ძირითადად ორი სახეობის კუნელს – ეკლიანს ანუ ჩვეულებრივ 

სრულად
აგროკავკასია FB