ფერმერის გამოცდილება-მცენარეების თესლით გამრავლების ინსტრუქცია

1392 Views Comment Off

ერთწლოვანი და მრავალწლოვანი მცენარეები. კამა, ცერეცო, კვლიავი, ანისული, წიწაკა, პომიდორი და ბადრიჯანი-თესლების ჩათესვა, პარკოსნები – ლობიო, ბარდა, სოიო, მიწის თხილი (არაქისი, ჩინური თხილი), ხეები და ბუჩქნარები.

ერთწლოვანი მცენარეები

ერთლოვანი მცენარეების წინასწარი გახარებისათვის გამოიყენეთ უფრო მსუბუქი სუბსტრატები (მიწისა და ტორფის ნარევი შემდეგი შეფარდებით 1:0–3). ყინვისადმი მგრძნობიარე სახეობები გაახარეთ თბილ შენობაში (ბინა, ორანჟერეა, აფსკით დაფარული სათბური) და გადარგეთ 15 მაისის შემდეგ.

ქოთანი აავსეთ გრუნტით ისე, რომ ზევით დარჩეს 2 სმ თავისუფალი სივრცე. გახსენით თესლების პაკეტი და მიწას ქოთანში თანაბრად მოაყარეთ. პატარა ზომის თესლებს (ყაყაჩოს თესლის ზომის) მიწა უმჯობესია, არ მოაყაროთ. დიდი ზომის თესლებს მოაყარეთ მიწის თხელი ფენა (0,5–1 სმ).

დათესვის შემდეგ ქოთანს შუშის ნაჭერი დააფარეთ (ძირითადად ეს ეხება მიწამოუყრელ პატარა ზომის თესლებს). შუშა ყოველდღე მოაშორეთ 5–10 წუთის განმავლობაში. როცა პირველი ძირი თავს ამოყოფს, ახალგაზრდა მცენარეებს მოაყარეთ მიწის თხელი ფენა (1–2 მმ) და შუშა აღარ დააფაროთ. ნორჩი მცენარეებისათვის აუცილებელია სინათლის საკმარისი რაოდენობა.

თუ თქვენ ბევრი თესლი გამოიყენეთ, ნორჩი მცენარეები განვითარების სტადიაზე 2 გამოღებული ფოთლით შეგიძლიათ ცალკცალკე გადარგოთ ქოთანში.

პატარა თესლებს (სელი) მიწის მოყრა აღარ ჭირდება, დათესვის შემდეგ შეგიძლიათ ნიადაგი ფოცხით აურიოთ. მზესუმზირა და სიმინდი 2–3 თესლით ჩარგეთ 5–10 სმ სიღრმის ორმოში, ერთწლოვანი მცენარეების ბევრი სახეობის შემთხვევაში, თქვენ შეგიძლიათ აირჩიოთ, წინასწარ გაახარებთ მათ თუ პირდაპირ მიწაში დათესავთ. წინასწან გახარებული მცენარეები 1–2 თვით ადრე ყვავილობენ.

მრავალწლოვანი მცენარეები

მრავალწლოვანი მცენარეების დათესვის მეთოდი იგივეა, როგორც ერთწლოვანებისა. მრავალწლოვანი მცენარეების ყველა სახეობა შეგიძლიათ გაახაროთ პირდაპირ ღია ცის ქვეშ (დასაწყისში ხეების ნახევრად ჩრდილში, მოგვიანებით კი მზეზე).

კამა, ცერეცო, კვლიავი, ანისული

თესლები ჩათესეთ აპრილში ცალკცალკე ან როგორც შუალედური კულტურა, მაგალითად, სტაფილოსთან. შემდგომი მოვლა მხოლოდ სარეველების მოცილებასა და არარეგულარულ მორწყვაში მდგომარეობს.

წიწაკა, პომიდორი და ბადრიჯანი – თესლების ჩათესვა

თიხიანი მიწით ავსებულ ერთ ქოთანში (6–8 სმ დიამეტრის, დაახლოებით 8 სმ ან მეტი სიმაღლის), მარტის მეორე ნახევარში მოათავსეთ 2–3 მარცვალი. ქოთანი დადეთ ნათელ, მაგრამ არც ისე თბილ ადგილას (ოთახის ტემპერატურა საკმარისია).

ძალიან მაღალი ტემპერატურა არ არის სასურველი, რადგან მცენარემ გადარგვისას შეიძლება ტემპერატურული შოკი განიცადოს. მცენარეები ბინაში 15 მაისამდე გააჩერეთ, შემდეგ კი პირდაპირ ბოსტნის კვალზე გადარგეთ.

პარკოსნები – ლობიო, ბარდა, სოიო, მიწის თხილი (არაქისი, ჩინური თხილი)

ლობიო, ბარდა, სოიო პირდაპირ დანიშნულების ადგილას უნდა დაითესოს წინასწარი გამოზრდის გარეშე. არაქისი პომიდვრის მსგავსად წინასწარ გამოზარდეთ (იხ. მაღლა). დაავადებებისა და მავნებლების გავრცელების გამო ისინი ერთსა და იმავე ადგილას არ უნდა გაახაროთ 3–6 წელზე მეტხანს.

ხეები და ბუჩქნარები

თესლების დათესვა ისევე ხდება, როგორც ერთწლოვანებში, მაგრამ არის ერთი განსხვავება. ყინვაგამძლე სახეობების თესლები უნდა გაიყინოს. ამიტომ მათი დათესვა უნდა მოხდეს მარტ–აპრილში. ნათესი სადმე ბაღში ან ფანჯრის გარეთა რაფაზე დადგით, რათა ნათესზე იმოქმედოს ყინვამ და დაბალმა ტემპერატურამ.

არაყინვაგამძლე ჯიშები (ბინაში – აკაციები, ევკალიპტები, დაფნა, Protea,…) დათესეთ როგორც ერთწლოვანები და ნათესები 20–25 oC–ზე მოათავსეთ.

დათესვის სიღრმე თესლების ზომაზეა დამოკიდებული. ევკალიპტის წვრილ თესლებს მიწას არ აყრიან, არამედ უბრალო მიწაში ჩატკეპნიან. დანარჩენ წვრილ თესლებს აფარებენ ნიადაგის თხელ ფენას. უფრო მსხვილ თესლებს (მუხა, ზეთისხილი) 3–5 სმ სიღრმეზე თესავენ. დიდი ზომის თესლებს კი (წაბლი, თხილი) თესავენ 5–10 სმ სიღრმეზე.

ბოტანიქსი

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
ქლოროფიტუმი საუკეთესო მცენარეა ოთახში ჰაერის გასაწმენდად
499 Views

ქლოროფიტუმი (ლათ. Chlorophytum, ინგ. Spider plant) საკმაოდ უპრეტენზიო მცენარეა, მისი მოვლა მოყვარულ მებაღესაც არ გაუჭირდება, ამასთან ის საუკეთესოა ოთახში ჰაერის გაწმენდის თვალსაზრისით. მეცნიერები ოთახში ჰაერის გასაწმენდად სხადასხვა ცდებს და კვლევებს ატარებდნენ. მაგ. სპეციალურ კამერაში (მცირე

სრულად
სამკურნალო მცენარეები
ხეშავი (Rhamnus cathartica) — სამკურნალო მცენარე
1342 Views

ხეშავი ძლიერ დატოტვილი ბუჩქიანი პატარა ხეა ხეჭრელისებთა ოჯახიდან, სიმაღლით 8 მ-მდე მისი დაბრეცილი ტანი დაფარულია შავი ფერის ხაოიანი დახეთქილი კანით, რომელიც ფენა-ფენად ძვრება. ტოტები ეკლიანი აქვს. ახალგაზრდა ტოტებზე ქერქი მოწითალო-ყავისფერია, პრიალა. ყუნწიანი ფოთლები

სრულად
აგროკავკასია FB